馬詩慧關注紅斑狼瘡症 王麗嘉想識男友拍拖自認眼角高

馬詩慧（Janet Ma）同二女 王麗嘉 呢日喺惡劣天氣下出席關注紅斑狼瘡症活動，Janet Ma堅持出席因身邊有朋友正面對呢個疾病，所以母女兩人想知多啲資料，再宣揚開去等多啲人了解。Janet Ma話平時留意健康資訊都會同囡囡分享，但係身邊嘅王麗嘉就話媽咪唔係知好多，仲踢爆媽咪唔會睇醫生。

活動撞正係王麗嘉嘅29歲生日，話冇特別慶祝活動，只係家人朋友食吓飯，而生日願望就係身體健康同埋想識男朋友拍拖，佢話自己眼角好高，唔係咁易接受追求者，擇偶條件就要心地好。