/public/article/images/202405/66be8d7e-f090-4388-8058-0218432ed218.jpeg)
《神耆小子》噚晚（8號）播出第三集，暫時寄居喺子勇（蕭正楠飾）同一鳴（冼靖峰飾）兩父子家中嘅錢大海（鄭則士飾），同子勇繼續小學雞式連場鬥氣，期間子勇使出一招「古惑牛肉餅」，令大海辣到氣咳兼嘔吐大作，Kent哥雙眼兼滿面通紅嘅演繹，令像真度超高。
Yuki 一出場就大晒美好身段。
飾演多多嘅羅毓儀（Yuki）首度登場，一出場就講大話欺騙「迷你倉四子」冼靖峰（Archie）、關曜儁、邵展鵬同羅永健；由於樣子甜美，再加上真摯嘅「天真孩子眼」同「燦爛笑容」，成功冧掂Archie以外其餘三子，仲順利傾掂合作做生意。
樊亦敏與吳子冲的關係耐人尋味。
Yuki一身「七彩」造型登場，佢指拍攝《神耆小子》時我有連住其他劇，冇辦法真係去染髮，啲粉紅色頭髮其實係髮片嚟。長期以牛仔褲同短打出場，Yuki解構係想配合角色人設同髮型，希望角色讓人感覺係活潑醒目。Yuki透露相關打扮同後續感情發展有關，劇透指之後因為一個原因，形象會有180度大轉變！
Yuki就七情上面咁同 Archie 鬥氣。
另一戲肉就係洪玫瑰（樊亦敏飾）同公司小鮮肉傑仔（吳子冲飾）過從甚密，玫瑰除咗對傑仔照顧有加，又公然摸傑仔手臂同喺自己辦公室搣傑仔面珠，引發大海女兒有方（傅嘉莉飾）起疑心，亦令暗中全方位監察公司嘅大海自覺被戴綠帽而暴跳如雷，喺子勇家瘋狂掟嘢發洩。
洪玫瑰與公司小鮮肉傑仔過從甚密，引發大海女兒有方（傅嘉莉飾）疑心。
錢大海直頭覺得成頂綠帽由頭戴到落腳。
吳子冲以「送水傑」身份出場。
《神耆小子》逢周一至五晚9:30翡翠台播映
