成衣店請混血男曬胸肌賣衫谷銷量 網民揶揄似鴨店「雞仔店請鴨仔」

老牌港產成衣「雞仔嘜」為逆市谷銷量，請咗一位混血「首席雞仔嘜試衫專員」在店內駐場，赤裸上身大曬胸肌賣衫。

「雞仔嘜」解釋：「見大家對我哋雞仔嘜嘅職員咁有興趣，咁介紹返啦～

佢係我哋嘅首席「雞仔嘜試衫專員」，因為好多人買我哋啲衫都係買埋俾屋企人，所以有我哋試衫專員幫手試款之後，就包 Fit 身啦～」

照片中有位女仕在揀衫，「首席雞仔嘜試衫專員」正熱誠招待，不過有網民就揶揄似鴨店「雞仔店請鴨仔」。但不少女網民表示贊成：

「道德在哪裡？底線在哪裡？分店在哪裡？」
「快啲收埋佢啊！唔俾得新何太睇到架！」
「試衫，有幾多老公或男友有佢咁好身型先」
「試唔試底褲」
「有幾多家人係甘身材？」
「可以出個每日返工地點偶遇一下？」