有片｜港鐵阿伯懷疑出鹹豬手 受害人挺身而出破口大罵　旁人加入戰團

港鐵車廂懷疑出現阿伯鹹豬手事件，受害女子挺身而出指責，演變成互相指罵。

車站海報

有網民上載短片到社交網站Facebook公開社團「香港突發事故報料區及討論區」，片段可見一名老伯與兩名女子爭執，懷疑先前老伯進入車廂時與一名女子發生碰撞，根據女子的指控，感覺到對方手部有所動作，挺身而出指責，但被阿伯譏諷：「摸你啊？摸你邊度啊？」

另一名女子看不過眼，隨即加入戰團，大罵阿伯說：「你唔好講啦，你次次都係咁啦！」老伯強烈否認，說：「手唔可以放低㗎咩？」女子說：「你隻手唔可以擺好啲嘅咩？斬咗你呀我同你講！」

懷疑受害女子激動說：「幾十歲人，棺材就已經擺咗你側邊，你仲咁樣鹹豬手！」

片段引起網民熱烈討論，有網民懷疑阿伯是慣犯，說：「相信唔係屈佢」「近期咁多鹹濕阿伯」「有啲阿伯真係麻煩，手多多。」暫時未知最後如何處理。

港鐵一直在車站張貼海報，鼓勵乘客遇非禮不要啞忍，當遇事或發現有罪案發生時，要挺身而出，盡快通知車站職員或者報警。