有片｜惡男惡人先告狀 搶人車位聲大夾惡

近日，有網民在Facebook 群組發文，指「電單車司機為求位置泊車，強行搬開他人電單車但被當場揭發」的影片，從片中可見，片主於一處電單車場拍攝1名駕駛電單車的男子，指斥對方見停車場幾乎泊滿了車，竟試圖搬開他的電單車，將自己的車泊入，其間兩人互相用手機反拍及指罵，男子怒斥「X你老母，你要玩嘢出聲呀嘛，X頭皮」，片主指出「搬人車仲咁惡個喎啲人，真係未見過」，影片隨即引起熱議。

有網民留言道，「可惜影唔到搬車嘅動作」。有人笑言「火藥味太少，應該即時開拖嘛」。有網民指出，男子駕駛電單車未有戴上頭盔已屬違法，「Like就畀咗1個片主，報埋影住駕冇戴頭盔揸車就再畀1個like」、「唔戴頭盔開車，交埋條片畀交通部罰錢」。

根據香港法例第374F章《道路交通(安全裝備)規例》，任何人除非戴上認可防護頭盔，並繫緊頭上，否則不得駕駛電單車。若違反規例，即屬犯罪，可處罰款5000元及監禁3個月。