「港女」不忿被「𥄫」IG發文狂鬧 網民:唔望得就唔好出街

「港女」不忿被「𥄫」IG發文狂鬧 網民:唔望得就唔好出街

今日Facebook專頁「香港轉載台」發佈一貼文,為一名女子的Instagram限時動態。動態中寫道「每日出街都好大壓力,見到呢啲人,我想嘔。佢淨係用對眼已經侵犯左我」,背後畫面為三名正在路邊休息的地盤工人。

限時動態上載後,旋即被人截圖放上各大討論區及社交媒體群組,吸引大量網民留言,大多指責該女子沒有禮貌,「職業歧視」等。

「以為自己好x得」
「會唔會諗多咗啊佢」
「心地好差」
「人哋都未投訴你影響市容」

發文女子。

而遭瘋狂轉載後,肇事女子亦有在Facebook發文回應反擊。

「尋日中午時份,我由公司樓下行去巴士站,
圖中果三個男人一直跟喺我後面,
當中有對我指指點點,評頭品足,
其實我一直都對呢類型嘅遭遇,我慣慣地,可怒不可言。
我一直行到去,途中(圖中)嘅安全島,
我同嗰三個男人都要停喺度等車過。
而佢地仍然都係 用D咁侵犯嘅眼光望住我。
我已經直視返佢地示意我嘅不滿,
然而,佢仍然係一副有恃無恐嘅眼光咁望住我,
擺到明咁不懷好意地望,
所以我先影到一張咁嘅相。
如果一個人懂得避忌,知羞恥,
我係唔會影到一張咁嘅相。
一個人唔識尊重人,唔識尊重自己,其實同佢著咩衫冇關,做咩職業無關。
反而係呢D咁嘅人,拖垮左佢嘅職業。
本來咁小事,唔想講太多,
但係我見咁多人都將呢件事牽扯到職業上,
我唔想抵毀左人地。
其實我都係想要一個平視嘅對待。
我行得正企得正,對得住天地良心。
我都未 驚過」

女子在Facebook發文反擊。

雖然她在Facebook發文反擊字字鏗鏘,但大部份網民仍不受落,紛紛湧入留言「喪鬧」:

「識唔識得尊重人,冇建造業你瞓街啦」
「我都係女人,我都唔幫你,識唔識尊重人?」
「想出名,好簡單」
「佢哋搵嘅錢仲乾淨過您把口」
「係唔係博上報攞知名度呀?」

熱門搜尋