坑口食肆番茄通有頭髮 女店長仲鬧人！網民：我實起身走

本港飲食業經營情況越來越嚴峻，但有時餐廳的經營手法也惹食客不滿，有網民在社交網站Facebook私人群組「將軍澳主場」發帖抱怨，在坑口TKO Gateway一間食肆遇到女店長不禮貌對待。

樓主在帖文開名指，「食早餐，湯裡有頭髮，個著黑衫女店長又會鬧客人，隔離枱有個客問左一句 : d嘢食嚟未？  個女店長就好勞氣咁鬧，話：係要等㗎啦，等唔到就唔好等...之後仲要不斷吟吟沉沉咁鬧個客衰.... 咁嘅服務態度，呢間店個老闆請著呢種伙記，遲早俾佢地累到執笠...」

相片清晰可見，早餐的蕃茄通粉裏有頭髮，這一則發帖引起將軍澳街坊廣泛共鳴，大家都分享類似的遭遇：

「呢間嘢長期嗌交，上菜慢，淨係掛住做外賣而唔理堂食客人！但係唔知點解咁多人食喎！」
「Li間野D服務員態度超差悪死、我見有空位又無人等位咪行入去坐、咁都比佢鬧做乜唔拎飛仔先、野食追極都唔黎、永不幫襯」
「香港餐飲業，服務係咁咖啦！垃圾仲生存到，即係仲有價值。仲有支持者！人地唔愁做唔懮做！唔會改變咖啦！你改變自己吧啦。唔使再去幫襯…」
「既然叫我唔好等，我實起身走」