📍古月
🌟 古滑雞飯：秘制醬汁配上香滑嘅雞肉，
一啖雞一啖油飯簡直係享受，
味道相當特別大大碟食哂都唔會覺得好油膩。
🌟 醉雞軟骨：花鵰濃香，軟骨爽脆，極Jeng！
🌟 馬來拉茶：馬來拉茶有班蘭香味，香滑偏甜。
－
📍鳳城酒家
🌟馬拉糕：古法黑糖馬拉糕鬆軟，
作為馬拉糕關注組嘅小編都大讚！
🌟糯米雞：荷葉味撲鼻而黎！
軟糯嘅糯米有好香嘅荷葉味，入面都超足料啊！
🌟 蝦餃：皮薄餡靚，入邊嘅蝦較多十分之彈牙！
茶樓服務幾好，戈日都好爆棚。
呢啲老區茶樓真係買少見少，大家都快啲去試吓啦😋
－
📍蛇王良
🌟 蛇羹：相當多蛇肉超足料，
食完成身暖笠笠，加少少檸檬葉、脆脆就啱哂了！
🌟 臘味糯米飯：蛇羹同糯米飯簡直係絕配！
糯米飯有好香嘅油味極正！
🌟 龜板湯：小編私心推薦，
本身想嗌龜苓膏點知冇賣，
老闆話功效係一樣清熱解毒，分別只係冇落涼粉。
餐廳服務幾好，我地果日4點去比較靜少少。
食蛇嘅地方真係越黎越罕有，大家都快啲去試吓啦😋
－
📍潮樂園
🌟 炸蠔餅：蠔多餅脆，
味道偏濃唔洗加魚露味道都好夠，大大盒有二三塊。
🌟 韭菜豬紅：味道都係會濃少少，
配白飯就啱哂！超多豬紅，二三個人食都夠。
🌟 腩肉春菜：整體偏鹹，
味道不過不失，勝在份量好大。
－
📍魚事者
🌟 卡邦尼烤雞魚撈麵：
卡邦尼醬汁有落cream冇用guanciale同pecorino，
即係唔係傳統意大利做法，將意粉換做魚麵就第一次試，
口感極彈牙而且會有好大浸魚味，味道相當特別，
追求新鮮刺激感嘅你不妨去試吓。
🌟 酥炸魷魚：炸魷魚好鹹，佢就會跟埋個醬汁，
醬汁都偏濃味，
建議平時食嘢清淡嘅朋友唔好點個醬就咁食。
🌟 咩都有啲小食拼盤：
拼盤上嘅炸物味道好類近，外脆內彈牙，
口感好特別，而味道呢就...
－
📍麥記美食
🌟 生煎包香噴噴，餡汁滿滿，每一口都令人回味無窮
🌟 鍋貼皮脆餡香，一口咬下去滋味四溢
🌟 豬扒擔擔麵，湯底超濃超好食！
