不如食豪D︱Gin Lee香港追夢窮到無錢開餐 遺憾被封「萬年銀獎」？

J2（82台）由陸浩明（6號）、名廚楊尚友（Christian）主持；14集自家製旗艦綜藝節目《不如食豪D》，周一晚（5日）一集嘉賓是馬來西亞籍歌手李幸倪（Gin Lee），Christian為愛打邊爐的Gin Lee炮製了「驕傲的哈哈」（海螯蝦小火鍋）、Green Dinosaur（貓屎咖啡提拉米蘇）。一般人都認為打邊爐很熱氣，Gin Lee以「火鍋小天后」身份分享秘訣︰「唔好灼熟即刻食，要攤凍食就無咁熱氣。」除此之外近日Gin Lee再獲網民贈以「萬年銀獎」外號。事緣她在某個頒獎禮，曾連續3年獲銀獎，到今年轉投新公司，仍擺脫不了這命運，她說︰「早幾日喺討論區見到，即刻笑咗出嚟，覺得位網民好creative，相信努力係有回報嘅。」6號拋出金句勉勵Gin Lee說︰「好似『亞軍廷』（去年世界盃冠軍阿根廷）都唔再係亞軍啦。」

Gin Lee透露2011年來港發展，事業並非一帆風順。早前她接受訪問時提過事業最低潮時，情緒達到臨界點，窩居在北角200呎房屋，一到天黑就喊因為沒有底。節目中她回想當日慘況感慨說︰「窮到唔敢出街，屋企有咩食咩，即食麵、罐頭、餅。」印象最深一次，是跟大馬家人報完平安後即刻爆喊，Gin Lee補充︰「唔敢同屋企講自己情況，睇住銀行戶口個數一路跌落去，只夠買一張機票。」正打算放棄，包租婆一句說話令Gin Lee『絕處逢生』，她笑說︰「諗住搬走時包租婆話『李小姐，你仲有按金喺我度喎』。」

講都不信，就在一個月時間，Gin Lee的事業出現轉機，越來越多人欣賞。講起北角的舊居，Gin Lee笑言被大馬來港探訪的父母嫌棄︰「我屋企花園都有幾千呎，可以種甘蔗、芒果同菠蘿，嗰邊人間間屋都好大。」