不如食豪D終極篇|仍愛嗲媽咪難忘慈母一品鍋 盲樁樁讀演藝以為藝員訓練班?

不如食豪D終極篇|仍愛嗲媽咪難忘慈母一品鍋 盲樁樁讀演藝以為藝員訓練班?

J2(82台)自家製旗艦綜藝節目《不如食豪D》,一連兩集的終極嘉賓是導演李家榮(火火)。火火表示最難忘的一道菜是母親的「一品鍋」,所以Christian今次為他炮製豪華版「動感念親恩」(沙參、羊肚菌、雞油菌、臘腸、隔夜肉餅一品鍋)。火火於演藝學院表演系畢業,節目中他將形體動作及作為導演的創意發揮得淋漓盡致。講到對「一品鍋」的記憶,始於自己的生日,他笑說︰「屋企不嬲唔會慶祝生日,第一次慶祝係食媽咪整嘅一品鍋。」

當時出動到家中的gas爐,火火笑說︰「你知用得都係『大鑊嘢』,阿媽仲話係好嘢嚟,以前皇帝食。」接住他慨嘆︰「好懷念,阿媽好早就……返咗大陸做嘢。」停頓位前已扣緊6號同Christian的情緒,當二人準備安慰時,火火卻來個反高潮。火火直言跟媽咪關係密切,現在仍會不時嗲媽咪,他借Christian的身體示範︰「會撓住媽咪同佢傾心事,咪睇我個樣咁麻甩,其實好需要信任或者愛嘅人讚我。」他表示父母感到子女仍需要自己,所得到的喜悅,比送甚麼禮物都強。

火火坦言曾是不婚主義者,曾發誓單身不生育。想不到會結婚,並育有一女一子,他笑言︰「而家都仲係非常極度唔喜歡細路,其他小朋友唔好埋身。」被問到如果跟子女灌輸性教育時,火火直接了當說︰「做咗11年老竇,係好擔心阿女。如果佢帶男同學返屋企入房溫書,我一定做老土嘢,到時到候就會入房問佢哋食唔食糖水。」他透露當日剛同11歲囡囡TinTin灌輸性知識︰「叫佢拍拖要小心,小心大肚。囡囡問點解會大肚,我話你哋會唔著衫、會錫,跟住佢會將身體一啲部位進入你身體。」非常簡單直接。

節目中出現小插曲,當火火講到當年讀演藝學院竟是無心之失︰「我同另一個同學以為係讀藝員訓練班,嗰時都唔知咩叫舞台劇。」當他想進一步講成做導演的因由時,卻被節目的導演叫停話「不如講返嗰菜先」,令全場沉默了一陣。原來各人只顧講,差點煮燶餸。兩集節目猶如火火個人表演,非常精彩要親身感受。

火火Otto澳門設計光影裝置同居4月 途人重提「焗豬」論笑爆回已轉口味

火火Otto澳門設計光影裝置同居4月 途人重提「焗豬」論笑爆回已轉口味

日前先現身J2節目《不如食豪D》坦承自己由不婚主意到生兒育女改變嘅導演 火火 同 前EO2成員Otto 王志安 2006年合作成立製作公司,最近仲應澳門方面邀請,參與「2023幻彩耀濠江」,親自參與下環區「潮玩媽閣」嘅光影燈飾裝置創作。

火火同Otto經歷4個月製作後,同最後成品合照

近年澳門當局積極推廣唔同藝術,期望啟發新一代創意。而首次參與嘅火火同Otto,今次就足足咗成4個月時間,創作出可以俾大眾參與其中嘅互動大型燈飾裝置,當中仲包括一個高約4米嘅LED「願望之環」,公眾可以用手機繪畫願望圖案,然後傳送到願望光環,許願圖案就會出現喺「願望之環」當中。

今次火火同Otto全情投入創作,4個月製作期間更特別搬到澳門暫住,仲笑言:「離開香港同家人,仲要同對方喺澳門朝夕相對足4個月,真係好難頂!」

雖然係老友又係拍檔,不過要同居幾個月就令佢哋大呻對方難頂

而Otto喺當地一次檢查光影裝置時,有經過嘅途人突然問佢係咪仲鍾意食焗豬扒飯,令佢完全疑惑,之後先記起原來農夫早前於社交平台,分享佢哋最難忘嘅頒獎禮經歷,當時提到見到EO2在場食住焗豬扒飯,令Otto覺得非常搞笑,佢仲笑指:「晚餐梗係要食飯,不過肯定鍾意食澳門豬扒包多啲。」

而火火就自爆年青時從未帶過女朋友到尖東睇燈飾,因為當時覺得尖沙咀係個高消費地區,唔想女友同喺海傍一齊食風咁話喎。

熱門搜尋