由「旅遊達人」梁芷珮（Christy）主持的《潮什麼》系列備受大家喜愛，全新系列一連九集的《非洲潮什麼》於昨晚(30日)首播，今次與過往的不同之處，是Christy除了繼續與老公拍住上，還帶同兒子Duncan及女兒Kasey齊齊衝出香港，並鎖定新加坡為首站，務求令是次印度洋珍珠三島、大半個非洲之旅玩得更為盡興！

《非洲潮什麼》首站，便以有「夢想旅遊天堂」之稱的馬爾代夫為主，Christy除了帶大家感受當地馳名的無敵靚海景，又會帶同一對仔女玩勻浮潛、「空中飛人」大鞦韆，以及在當地人帶領下，體驗馬爾代夫漁民傳統釣魚方法line fishing，試釣數量極多的吞拿魚，囡囡更因而獲封「釣魚女神」！

Christy坦言最難忘是出親海都相當大浪：「臨出發體驗傳統釣魚，當日其實好大浪，我哋一路釣一路暈船浪得好犀利。另外記得有一日去睇鯊魚，原本我啲小朋友有啲驚，但後來因為實在太大浪，冇人想留喺架船度，所以全部跳晒落去拖住教練浮潛搵鯊魚。」

《非洲潮什麼》踏進新一周，旅遊達人梁芷珮（Christy）繼續帶大家眼睛遊非洲！Christy玩轉肯雅首都內羅比必去熱門景點，首站先到訪長頸鹿保育中心餵長頸鹿，而當地人還說，長頸鹿口水有殺菌作用？原來該保育中心，就是傳說中超難訂的「長頸鹿莊園飯店」！

之後，Christy再和大家一起參觀內羅比國家公園，公園是世界上唯一一個位處首都的野生動物園，所以動物都非常接近城市，畫面相當有趣。接着，去到城市內的國家公園，驚見犀牛出沒，Christy非常興奮兼緊張啊：「佢哋真係好大隻，會唔會攻擊我哋架？真係有啲驚，因為真係好近好近我哋！」旅程尾聲，Christy又參加咗Coffee tour，除了大歎靚咖啡，又會體驗製作咖啡豆的流程。