由連詩雅（Shiga）主持、一連15集的全新節目《因為愛情》逢星期一至星期五晚上10點半J2（82台）播映。「為咗愛情，你可以去到幾盡？」，節目中Shiga訪尋12個特別嘅愛情故事，當中有人放棄麵包、追求非一般嘅生活態度及愛情；有人花盡精力照顧三名小朋友，希望透過節目尋回戀愛初心、有人為愛情改變宗教信仰、亦有人示範不離不棄嘅愛情。故事平凡卻不簡單，讓觀眾體會愛情偉大之處，可以跨越時間、地域甚或生死。

Shiga見證12個共度患難不離不棄的愛情故事。Shiga身旁的Sarah同Rex放棄高薪厚職，追求無拘束的生活。
《因為愛情》前晚（26日）首播，Shiga自言每位嘉賓身上搵到最大共通點，就係能經歷患難，亦能一起成長及互相包容，第一個愛情個案主角係Sarah同Rex，分別從事IT及市場營銷工作，二人係典型中環上班族，由朋友演變成戀人，緣份開始便一發不可收拾，更因旅行呢個共同嗜好一拍即合，愛情起點相當轟烈，就喺30幾歲之時一齊裸辭，花1年時間環遊世界、足跡遍佈30多個國家。

每次駕船出海前有不少工作要處理，Sarah指導Shiga日常在船上處理的瑣事。

在旅行途中Rex成功求婚。Rex同Sarah花一年環遊世界後認定彼此。
「SR夫婦」喺拼搏之年裸辭夠晒經典，更打破港人努力上樓嘅傳統，選擇喺海上生活，Rex喺長洲出生，對大海有一份情意結，當年回港後便膽粗粗喺近乎傾盡家財嘅情況下買下第一艘船，一步步開展二人嘅出租遊艇事業，為咗生計及所追求嚮往嘅生活態度，佢哋做過補習、餐廳及裝修泥水等工作。

Rex跟Sarah自兒子天天出世後，展開人生新階段。Rex同Sarah花一年時間，跨越30多個國家旅遊。
Rex喺節目中坦言當時一度想過放棄︰「始終對屋企人要有交代，以前咁舒服又搵到錢，而家就要食公仔麵捱麵包，為乜呢？去到第三年特別難捱。」佢哋憑藉信念、堅持及靈活變通，捱過困難漸入佳境，Rex將對自己影響甚深嘅長洲文化融入其獨特海上事業，相當勵志。不過「SR夫婦」最後為咗阿仔，最終重返陸地選擇「上車」，進一步印證父母嘅愛係何等偉大。

Ashley同Quentin拍拖二個月後，懷有三胞胎。Ashley悉心打扮跟老公拍拖。

第二個愛情個案主角則係Ashley同Quentin，佢哋育有三胞胎囡囡，分別大女Athena、二女Anthea同細女Alyssa。兩夫婦原本係同事加閨密，由於拍拖冇耐就懷孕，二人好快結束浪漫嘅愛情生活，投入恍如「極速傳說」嘅湊B生活。正如Quentin話齋三位囡囡「淨係飲杯水，都冇咗半小時」，可想而知「兩人三B」所需花費嘅精力同時間，獨處自然係遙不可及嘅「奢侈品」，今晚Shiga將化身愛神兼客串做保母，更幫Quentin齊齊炮製驚喜浪漫，讓兩夫婦返回久違嘅二人世界、重拾戀愛初心。

Shiga未入行前曾做過playgroup導師。Ashley、Quentin拍完一日拖後，再跟三位囡囡staycation。
原來Shiga入行前曾任職playgroup導師，所以湊起小朋友駕輕就熟。Shiga事後受訪時，坦言目擊「AQ夫婦」甜蜜互望一刻，令佢相當難忘︰「相信夫妻結咗婚好多年之後，為咗生活，可能遺忘咗拍拖同戀愛嘅回憶，但當我哋攝製隊幫佢哋營造呢個氣氛時，見到佢哋變番小情侶咁，真係好窩心。」Shiga自爆係一名憧憬家庭生活嘅人，細個曾想過要生夠四名孩子︰「依家人大咗感覺會唔同咗，覺得隨緣，畢竟呢個係天賜嘅禮物，都係講緣份，不過如果完美嘅話就最好有兩個。」

Ashley同Quentin享受二人世界。二人重拾戀愛時的初心。
《因為愛情》逢周一至五晚10點半J2（82台）播映

新婚嘅連詩雅深明要綁住老公個心，就要先綁住佢個胃嘅道理，所以佢話喺婚前自己已經喺一名「煮」婦，成日都會下廚煮愛心餐畀陳家樂食，Shiga表示因為之前媽哋身體唔好，所以自己好早就已經開始下廚煮啲健康餐，佢讚老公陳家樂唔揀飲擇食，無論自己煮啲咩，對方都會食晒。

呢日Shiga出席家品推廣活動，佢話由於老公鐘意聽歌，所以即場揀咗個環保喇叭畀老公。婚後由於各自忙工作，所以Shiga同家樂仲未去度蜜月，之前家樂就講過想同老婆去歐遊，但Shiga話因為開返關之後多咗好多外地嘅工作，所以暫時未必可以歐遊度蜜月喇！