有環保團體調查發現，剛過去的冬天，本港四個地點的「越冬斑蝶」數量，按年少了百分之15。

綠色力量去年十月至今年一月，在多地收集「越冬斑蝶」出沒數據。過往曾錄得過千隻的深水灣首次錄得零。但小冷水就錄得601隻，是調查的四個地點中最多，亦多過去年的500多隻。其次是大嶼山分流，有331隻、創2009年以來新高。

團體表示，深水灣生態無重大改變，已排除斑碟減少是人為因素，由於斑蝶遷徙路線和地點每年不同，建議盡可能保護現存林地，提供更多適合斑蝶過冬的生態。

一連6集嘅《新春開運王》今晚就播出最後一集喇， 陳定幫 師傅會繼續帶大家行大運，解構深水灣風水好嘅原因之餘，仲建議大家去多啲做運動吸收旺氣，令有「元朗地王」之稱嘅嘉賓大王安德尊都話要喺深水灣置業喎。

至於嘉賓 黃庭鋒 何沛珈 同 黃俊豪 都話心急想出埠外遊，幫幫師傅就話兔年驛馬星位於西邊，想鞏固權力或者轉運嘅朋友就宜往西行喇。而舊年喺《香港小姐再競選》中勇奪冠軍、近期人氣飆升嘅何沛珈，就直認想尋覓好姻緣，幫幫師傅就提議她向北尋找真愛。至於入行前曾身為 足球員同體育老師嘅庭鋒，就被幫幫師傅指驛馬較強，仲係同佢額頭有關咁話。 

另外，去年出嫁成為人妻嘅 陳煒 ，亦同準新娘 連詩雅 齊齊食「新春開運菜」，幫幫師傅亦順便教佢哋點樣增進夫妻運，原來廚房係代表女主人運程，提醒佢哋一定要保持整潔乾淨，廚房又同時代表生產力，所以如果爐頭被遮蓋就容易影響運程喇。

廚藝了得嘅煒哥聞言就笑言自己生產力強，至於事業心重嘅Shiga，就想知幾時可以再開演唱會，幫幫師傅就指將有由外地歸來嘅女貴人為佢帶來好運。幫幫師傅喺最後呢集仲會分享兔年當旺行業，記得留意喇。

《新春開運王》最後一集 今晚(29號)22:00 翡翠台