點擊觀看《好睡好起》預告片

●https://fb.watch/kGHFeezU-n/

人生三分一時間花在睡覺上，偏偏社會對睡眠課題認知不多，父母也只會教孩子「早睡早起」。新節目《好睡好起》，顛覆大家對睡眠世界的想像，全城啟動Sleeping Mode！家家有本難「睡」的經，「數綿羊」有科學根據？「睡眠債」怎樣還？走進睡眠實驗室，嘉賓「瞓身」參與，一覺醒來，有何驚人發現？人人會睡，但未必個個睡得好，想睡得好，要從睡前做起。從今天開始，大家《好睡好起》！

由新聞及資訊部製作； 方東昇 、 黃曉瑩 同 李曉欣 主持嘅《好睡好起》，今個星期會同大家探討小朋友嘅瞓覺問題。星期四播出嘅第5集節目，主題係「從小『瞓』練」，節目指出， 根據亞太區兒科睡眠協會嘅調查，香港BB係全球最夜瞓嘅BB，三位主持邀請李璨琛同「睡眠專家」教大心理系副教授劉月瑩兩個生活習慣唔同風格嘅家庭，探討「瞓覺」到底有冇得教，又會以實驗式手法嘗試解決小朋友「唔願瞓」嘅家長千古難題。

出晒名唔願瞓嘅Lucy連媽咪都冇晒符

近年成為網上萬人迷嘅李璨琛千金Lucy(李元元)，出晒名唔鍾意瞓覺嘅Lucy，拍攝期間不斷做鬼臉又四處撩人玩，更大跳「兔仔舞」，可愛度爆燈。面對李媽媽同主持黃曉瑩嘅問題：「BB，你係咪唔鍾意瞓覺」仲有「你係咪見到爸爸媽媽唔瞓，所以你都唔瞓？」，Lucy都以「神反應」輕鬆帶過，引發全場爆笑。

阿Sam亦解釋唔迫乖女瞓覺嘅原因

對於寶貝女「唔願瞓」，媽媽梁志瑩(Sophia)分享「催」眠日常：「要去到最尾嗰刻，好似趕豬咁樣趕佢…總之佢一定會Chur到自己得返0.01格電(先肯瞓)。」而爸爸李璨琛亦自覺「夜瞓」習慣影響女兒，又剖白點解會「夜媽媽」陪女兒玩遊戲：「想盡量彌補返唔喺屋企嘅時間。」

而劉月瑩博士對小朋友瞓覺就有另一套方法見解

而攝製隊實時觀察，臨近就寢時限嘅Lucy唔止零睡意，仲以拖延政策拉住父母大玩特玩，當媽咪勒令睡覺時更爆喊扭計。當出盡法寶都無功而還，關鍵時刻採訪隊送上「最強催眠神 器」助陣，到底能否令「不睡公主」Lucy乖乖就範？

昇爺同另外兩位主持亦會親身為小朋講故事

《好睡好起》星期四、五晚 22:30 翡翠台