一名港女日前在西藏的布達拉宮觀光時，竟撿到一張香港的八達通樂悠咭，於是在港人失物群組上載照片發帖尋失主，引起網民熱議。
港女遊西藏布達拉宮撿到樂悠咭
該名熱心港女在Facebook群組「香港失物報失物認領群」發帖表示，在9月24日上午11時，於西藏布達拉宮執到一張八達通樂悠咭，表示「如果想拎返請PM我」。
從樓主上載的相片所見，樓主當時身處戶外，而樂悠咭上的持有人照片被樓主以手指遮蓋，持有人名字亦有部分被遮蔽。
網民笑稱：一段轟轟烈烈千里愛情就咁展開
帖文引來大批網民留言，許多人大感窩心，大讚好人好事，表示「一段轟轟烈烈千里愛情就咁展開」、「有緣人系列」、「好人好事。頂頂，希望主人既仔女快啲見到個post 」、「西藏都執到樂悠咭 ? 果然係緣份哦 !」、「香港人係很有感情的」。
有人笑指樓主的上載相片時的「遮法」欠佳，「遮咗等於冇遮 」，令人輕易猜到失主的姓名。
有網民則教路，樓主可先將樂悠咭帶回香港，之後再作處理，指「拎返香港放去港鐵算啦」。
網民佩服失主「過咗60歲仲上到去布達拉宮」
亦有不少網民佩服樂悠咭失主，年逾六十仍有體力前往到布達拉宮，稱「呢位老人家真係厲害，過咗60歲仲上到去布達拉宮。我十幾年前去，上樓梯上到我冇咗半條命，我仲係好後生」、「身體健康呀，老人都唔怕高原反應去西藏」、「呢位長者佢都好健康」。
網民分享類似經歷
有網民分享類似經歷，表示「我試過響法國遺失咭片包，內有職員証，有人帶到香港畀番我」、「我都試過起泰國執到個電話，之後去馬來西亞旅行交收返」。
最終樓主成功聯絡失主
最終有疑似認識失主的網民在帖文下留言，稱「我同行朋友跌了，會聯絡你」。樓主亦已在帖文作出更新，表示在9月27日已和失主聯絡。