網上流傳一段影片，顯示一名老翁於葵芳新都會廣場一間連鎖快餐店大罵收銀職員，又與食客對罵，不斷爆粗，相關行為引起網民批評。
有網民在社交平台Threads上載一段影片，顯示一名老翁在葵芳新都會廣場一間連鎖快餐店發怒爆粗責罵職員，又與其他顧客對罵。
老翁大鬧快餐店：而家我係玩你唔得啊？
影片長約一分鐘，片中涉事老翁站在收銀櫃枱前位置，而櫃枱後有一名女職員和一名經理。老翁對着女職員怒罵，爆粗斥「乜X嘢啫，而家我係玩你唔得啊？」。
有其他顧客看不過眼挺身而出，大聲指摘老翁「後面有人㗎，阻住人啊知唔知啊」，老翁則反駁「阻咩嘢人啊？佢咁X惡我就係要XX佢，你行X開啦你」，又稱「我唔買啊！我唔買啊得唔得啊？」，隨後現場傳出女聲指「咁你咪唔買囉」。
老翁與其他顧客對罵
畫面一轉，阿伯仍激動大罵其他顧客，斥「你走就走啦，X家富貴，你喺度玩我啊？我俾人X完我緊係㷫㗎啦，XXX」。
有人稱要「報警」，阿伯則回應道「報警？唔使報警，佢無呃我錢」，又聲稱「實剷上大家樂，我驚乜X嘢啫」。
經理高EQ應對
至影片末段，經理稱「感應唔到啊，你張卡」，老翁表示取消下單重新再買。經理心平氣和地應對，老翁亦態度亦轉趨平和，現場氣氛緩和。
網民批老翁行為離譜 大讚經理高EQ
影片引起網民熱議，多人批評老翁行為離譜，斥「真係不X知所謂」、「阻X住哂，全世界得你一個呀」、「又話唔買，最終又買，黐線」。
亦有許多網民大讚經理做得好，指「經理真係好高EQ」、「喺香港做服務業需要極高EQ」。
不過也有網民認為不宜妄下判斷，表示「無前無後，一定係呢位老人家錯？」。