日前有網民在一間連鎖日本意式餐廳內，遇上有食客疑自攜酒精飲品，以極快速度品嚐和加添。目擊事件的網民形容涉事阿叔手法飛快，如同「遇到魔術師」。
有網民在社交平台Threads發帖表示「食飯遇到魔術師」，並指對方「識响個袋度變啤酒出嚟飲，店員埋黎仲要唔認係啤酒。」
涉事阿叔正在餐廳內飲自攜啤酒
樓主在帖中附上影片，顯示涉事阿叔疑正在餐廳內飲自攜啤酒，阿叔將杯放在左下角，隨即將其拿回枱上，杯內已倒滿啤酒，並即時飲下。
阿叔身前放有一個斜孭袋，他可能是將啤酒藏在袋中，把杯放下後，以袋遮掩倒出啤酒。
阿叔同枱女士「零反應」
大叔與一名女士同枱，該名女士坐在阿叔對面。從影片所見，該名女士面對此情況「零反應」，未有任何特別表現。
網民揶揄阿叔行為
帖文引起熱議，不少網民留言，揶揄大叔行為，表示「果個係尿袋，佢拎出嚟飲，中醫治療法」、「是但喇，成日都有人帶嘢飲入戲院，香港人本色。」「好心，成枝拿出來，咁冇膽就唔好鬼鬼鼠鼠啦。」「證明唔到咩wo，佢可以話佢飲緊尿。」
有網民指出，該間餐廳有賣啤酒，但該名大叔為慳錢貪小便宜，竟「偷偷摸摸飲自己帶嘅酒」。
亦有網民驚訝樓主可以捕捉到阿叔的動作，指「又會咁啱俾你捕捉到！」，樓主回應指「佢開罐果下miss左，呢下已經係添飲」。
相關新聞：
九龍KFC浴袍男女自攜燒鵝飯茄蛋飯霸位開餐 零消費遭網民炮轟