家長虐兒是非常可惡的行為！日前網上有網民在社交平台發文，指一位公屋家長疑因女兒不聽話，而將女兒「反鎖出家門」。事件引起網民關注，更指要報警求助。
公屋家長疑虐兒將女兒「反鎖出家門」
有網民以題為「窮人咪生仔系列」發片，據網上影片所見，一名小童在一個有天井的公屋單位外站着，疑被家長反鎖在外，而女童亦在哭泣；至於影片上亦寫有「疑似家暴將女兒反鎖出家門，倨女咁就記一世了」的字句。
影片截圖：
網民籲報警：好危險
事件引起網民關注，不少網民呼籲要報警，亦有人表示很危險，「睇完留言深深感受到亞洲父母世代遺毒」、「試過，當時5歲，立刻靜左落黎思考下一步要點做同以後點樣生活，準備搭lift落樓下搵差人幫手，因為太靜屋企人即刻開門接返我入屋。」、「我細個都試過，直頭掉埋你同你既衫褲鞋襪一齊出街，我記得我果陣好冷靜咁坐左係門口⋯」、「我細個都係咁，其實真係好驚」、「有好多人就算做咗人父母都係件垃圾」、「如果父母原生家庭不健全，有性格缺陷父母建立新生家庭把一樣模式帶入去下一代！以前受過苦都一樣要下一代受返，唔可以比佢童年活得更快樂，某程度上心理有問題！」、「好多人都試過，個老母話唔要我，你出街訓，驚X到PK，而家人大左日日同呀媽講你再嘈掟你老人院」、「我都試過，仲俾屋企人綁去消防喉。」、「反鎖喺出邊依家變家暴」、「個小朋友好細個，完全唔應該咁樣鎖小朋友喺出邊，仲要出邊係咁嘅欄，一唔小心唔覺意小朋友跌咗落去，咁樣家長就一世。」、「好危險，一陣佢跳欄咁點」、「細個住彩虹邨都試過比人趕出門口，拍左門好耐都冇開門，然後我把心一橫行左去荷里活廣場嘆冷氣」、「所以啲人講生仔要考牌，其實我係支持嘅」、「我細個都成日比人趕出門口」、「我住私樓，老豆細個都咁對我，再過份都有，所以唔關窮，系關識唔識教。」、「香港人真係好toxic」。
《強制舉報虐待兒童條例》下年生效
政府此前表示，《強制舉報虐待兒童條例》將於2026年1月20日正式生效。有關本港虐兒事件近年趨勢，勞福局提交立法會特別財委會的書面回覆披露，2024年新登記保護兒童個案達1,504宗，創下有紀錄以來新高。
至於按地區比較，元朗區去年錄190宗個案最多，其次是屯門、觀塘等，分別都錄過百宗。