網上社交平台threads最新流傳一則帖子並且附上手機視頻，事件相信涉及詐騙電話以藉口欺騙阿伯到銀行櫃員機過數。
帖文指出：「好彩阿伯全程開speaker，如果唔係今鋪真係銀行存款等於零，個詐騙電話話阿伯戶口凍結左，要求佢去匯豐總行，但因為太夜會幫佢係atm解凍返，之後一步一步教佢，入提款卡>入密碼>揀轉帳戶口，再呃佢話輸入解凍號碼，我見唔對路即時制止咗阿伯」、「個詐騙電話叫阿伯唔好理我，仲話我偷佢資料，偷佢錢，會報警拉我，想叫阿伯走先，賊喊捉賊，雖然阿伯當時信個電話仲多過我，仲叫我唔好理佢，最後佢都離開咗呢，希望平安啦」。
網民對事件議論紛紛，不少人留言其中有人表示「你提過佢已經功德無量！佢唔信你仲信個騙徒也沒法子，施主你已經為社會盡咗力」、「截住佢！截一單已令到騙徒冇左個收入，或多或少都會挫到佢地，騙徒都要等運遇到呢啲傻阿伯，就算阿伯報警拉你，你照錄口供都無問題，你手上也有證據可證明你做呢件事出處，為的保護幫個街坊」、「遇到呢D事幫到人一定會幫，尤其是老人家，你盡咗力，唔聽就算，盡咗力問心無愧就得」、「幫得就幫」、「人老咗好多嘢都差左啦，見到唔對路，講一聲提一提，佢都要做就沒有辦法啦，請大家記得都會有老一日呀」、「佢話要報警就直接幫佢報警」、「唔好俾佢走，直接報警仲好」、「幫佢報警」等。
另一方面，也有網民表示「雖然有罪案，可惜在現今社會智商不夠，也是一種殘障」、「有d人你阻到佢一次，阻唔到第二次」、「啲衰人真係等天收」等。
更有網民笑言「拎你張卡出嚟，叫亞伯試吓過落你度睇吓有無凍，無咪過返畀佢」、「可能阿伯想同東張女神做訪問」等。