青山公路發生涉及單車的交通意外。周六（11月1日），一隊單車隊沿荃灣青山公路青龍頭段行駛期間，一名單車友向後方揚手從左線切向右線，其後後方私家車疑收制不及撞到單車車尾，單車友倒地受傷，事件在網上引起討論。
青山公路單車友揚手切線被私家車撞
事發影片在網上流傳，片段所見，事發時一群逾10人的單車友在荃灣青山公路青龍頭段的左線，以約每小時40公里的時速行駛，期間在前頭的單車手伸出右手揚手欲從左線切向右線並立即移動。
之後，單車群跟上，但後方左線的一輛黑色私家車懷疑收制不及，駛向正在切線的車群。片段中，有單車友怒罵私家車司機「黐X線」、「X街」等，最終私家車撞向其中一輛單車車尾，一名白衣的單車人倒地受傷；也有其他單車騎手在意外後呼籲「停一停先」，影片完結。
警方：一名20多歲男子右肩及腳受傷
就以上事件，警方指，周六（11月1日）上午8時59分接獲報案，指上址發生交通意外，當時有單車切線時，後車懷疑收制不及，事件中一名20多歲的男子右肩及腳受傷。
網民挪揄：撞死都無人可憐
網民對意外各有說法，有人認為領頭的單車未有留意後車情況，亦有人認為私家車或有超速，「好心唔好害私家車司機」、「仲話X人快，突然話cut就cut，無拉拉cut右線把X，希望司機無事」、「馬路踩單車應該靠左」、「條單車友做乜X？左線好地地前面又冇野頂！呢啲撞死都冇人可憐」、「真心，唔抵可憐」、「行晒兩條線，仲要cut得咁急，俾人撞係自己攞嚟」、「搞清楚啦呀路權，法例係俾你係路上使用，但係唔容許非法賽車」、「舉右手讚就要讓俾你？當自己行緊私家路?」、「罔顧其他使用路面車輛」、「私家車會唔會超速?」、「平排行係咩玩法，突然出快線又真係幾凸出」、「自己申請...」、「個司機真係比蕃薯累到，蕃薯下次要碌都碌返好啲啦。」、「雖然我都踩單車，但無啦啦做手勢cut右，仲要唔睇清楚就即時片過去，點收得切呀，累左個司機」、「馬路踩單車只可以單行踩，唔可以平排踩」。