越南峴港機場日前上演一場「情侶修羅場」，一對港男女疑因感情糾紛在候機室及機艙內爆發激烈爭執，女方情緒失控，聲稱男友「叫雞」，更自揭曾被打「40拳」，最終推跌空姐，航班延誤約35分鐘。
候機室混戰 女方當眾指控「叫雞」及家暴
事發於11月1日，原定晚上7時25分由峴港飛返香港的HK Express航班，因一對港情侶爭吵延誤起飛。據網上片段顯示，兩人在候機室已爆發爭執，男方指責女方出軌，女方則高聲反駁：「佢叫雞呀！我有見到佢叫雞！」並向圍觀者強調：「佢打我40拳呀！港怡醫院有紀錄！」其後更多次質問男方：「你有冇打我40拳？！」場面混亂，引來其他乘客圍觀。
機艙再度失控 空姐安撫未果
兩人登機後，因座位分開再度觸發女方情緒，要求空姐安排與男友同坐，惟空姐解釋登機證已分開，無法更改。女方隨即失控，推跌前排空姐，另一名空姐從後攔阻並安撫：「冷靜啲呀小姐。」甚至勸說：「男人係咁㗎啦，一齊返香港先。」女方一度冷靜，詢問是否可繼續乘搭，但空姐堅持：「唔好意思，你要落機啦，我控制唔到你。」聽到後，女方再度激動大叫，場面再度失控。空姐冷靜應對
網民齊撐：制服係裙都攬唔實！
事件曝光後，網民紛紛留言：「打40拳都仲一齊去旅行？」「條女癲，條仔都唔係好嘢！」但更多人將焦點放在空姐身上，讚其冷靜應對：「情緒不穩比遇到氣流更危險，請落機冷靜係好事」「空姐處理得好好，公司一定加許！」
有網民幽默表示：「好彩空姐姐宜家制服係褲，唔係都攬唔實呢位咁有份量嘅女子！」亦有人關心空姐有冇受傷：「被推跌嗰位空姐辛苦晒，希望冇事！」
男女鬥爭變全機危機 機組專業獲讚
事件雖源於私人感情糾紛，但最終演變成機艙安全問題。網民普遍認為，機組人員果斷處理，保障全機乘客安全，值得肯定。有人留言：「情緒不穩真係唔好上機，唔係淨係影響自己，係累全機人。」
而男方在事件中全程「坐定定」，未有協助安撫女方，亦惹來批評：「條仔臨尾仲要補幾句刺激佢，真係好X街」「呢啲男人唔要都罷，仲要為佢搞成咁，唔值得！」