銅鑼灣百德新街行人專用區近日成為網民熱議焦點。一名七旬婆婆在街上行走期間不慎絆倒，導致髖關節裂傷，需接受手術治理。其家人在社交平台發文控訴保養失當，質疑政府部門疏於維修，並追問「到底邊個部門負責？」
跌倒位置疑路磚不平 家人怒斥設計失當
事主家屬在帖文中表示，婆婆當時由家人扶住行過百德新街，期間突然絆倒，若非有人在旁扶持，「佢應該成個人向前飛」。其後證實髖關節裂傷，需即時入院接受手術。
帖文引起大量網民共鳴，不少人表示曾在磚路上絆倒：「唔好講老人家，我哋後生踩一腳磚邊，另一邊凸起就仆到」、「整親髖關節可以好嚴重，祝你媽媽快啲好返」。
有網民留言指出：「可以用1823搵，至於想要求賠償的話應該要上court有排磨」，亦有人批評現時街道設計普遍老化，「成街成地都係咁架啦」。
網民反應兩極 有人同情有人冷嘲
事件亦引來部分網民冷嘲熱諷，有人留言：「你呀媽行路唔X睇，你d家人又唔X睇，關人X事咩」，惹來其他網民反擊，認為公共空間安全不應推卸責任。
亦有網民戲言：「今時今日行街都要買保險」、「睇嚟行人專用區都要考牌」，反映市民對街道安全的無奈。