人稱大劉的華置前主席劉鑾雄，今日下午3時30分突然舉行記者會，就近日網絡上的文章作出回應。

大劉指，網上傳聞「係好嚴重失實」，表示自己早幾日與朋友吃飯，得知外面流傳自身體好差、「就嚟死」，反問在場人士「你睇我而家個似唔似就嚟死？可能畀人激死就有，但我自己身體係冇嘢。如果我再唔出嚟，可能傳我死咗」。

大劉隨後用上「賤人」一字，疑似諷刺呂麗君。他指，「呢個賤人最近去新加坡，冇人識佢㗎，自己招搖撞騙，人哋見到佢都驚咗佢。我夠可以喺電視同拜登合照、P圖話佢企喺我隔嚟啦！以前台灣有套電影叫《養鴨人家》，你知唔知鴨同鵝分別，鴨只係做女人生意，鵝就男又做女又做。呢啲係佢嘅私生活佢嘅事，唔關我事，我點解咁講呢？你睇吓呢叠嘢，完全0.001事實都冇，夾硬作出嚟老屈，我再唔出幫即係默認。我老婆陳凱韻使乜理佢吖，佢自我陶醉之嘛，等於咁，有一日有人要殺我屋企人，唔好講我係咪跛，我係跛係殘廢啊，我都要保護屋企人！啲人造謠造到咁，傳到我就嚟死」。

他又澄清甘比母親捐腎予自己的傳言，「啲人話我娶咗陳凱韻，佢阿媽換咗個腎畀我，所以我要報恩娶佢做老婆，哈哈哈！呢啲真係好好笑！我換腎都搵個後生啲吖，搵個老人家換，希望一年換一次咩。呢啲謠言全部都係呢個人作出嚟，有網絡打手。佢好精㗎，喺香港出好易俾人睇到佢出，所以喺大陸出，我check晒出嚟。我見完呢疊嘢」。

大劉其後再為「分身家」傳聞澄清，指甘比被「踢出局」一說是無中生有。他指，「點解要咁講呀，自己開心囉，講就有人信，有一個重申，陳凱韻我老婆從來無同我蝕過錢，睇過金融投資，佢藝術賺到錢。點解叫我唔好理，今次開記者招待會影到某個仔同女，我都無辦法，即係如果要入屋殺我屋企人，我跛咗癱口咗，我都垂死掙扎，垂死嘅反抗啦！」。

在職家庭及學生資助事務處處長曾裕彤今日表示，政府增加在職家庭津貼（職津）計劃的津貼金額，將有效強化計劃鼓勵持續就業和多勞多得的政策目標。

今年《施政報告》宣布，由2024年四月起計的申領月份，劃一增加職津計劃住戶及兒童津貼金額15%。曾裕彤說：「這有助進一步紓緩基層在職家庭的負擔，並支援他們育兒；同時鼓勵持續全職工作、自力更生，促進這些家庭的勞動力投入勞動市場。」

以育有兩名合資格兒童的四人住戶為例，由明年四月起，可領取的職津最高金額將由現時每月4,200元增至4,830元。若以每次申請的六個月申領期計，每宗申請最高金額將由現時25,200元增至28,980元。增加後的津貼金額詳見附件。2022至23年度，超過66 000個住戶成功獲批職津，涉及約220 000人，包括超過86 000名兒童。

為便利有需要家庭申請職津，處方已減省申請人須提交的證明文件。申請人若有實際困難未能提供住戶入息或工時證明（如散工或自僱人士），可以「自述聲明」代替。處方一直致力優化網上申請和加強電子服務。網上申請佔所有申請的比率在過去兩年由8%大幅增至近期50%。

處方吉祥物「職學寶」一家四口已融入全新推出的小冊子及海報，除生動活潑介紹計劃內容外，更化身網上聊天機械人隨時解答公眾問題及查詢申請進度。市民亦可透過24小時熱線（2558 3000）或電郵（enquiry_wfao@wfsfaa.gov.hk）與處方聯絡。