葵涌公園變超級老鼠竇 原來係有人餵老鼠

葵涌石蔭路第二公園，是不少街坊閒來休憩、做運動的好去處，看來平平靜靜，但原來暗藏危機，街坊被逼與老鼠做親密鄰居，因近年被大批老鼠入侵，致鼠輩橫行，天都未黑，鼠群已經急不及待衝到公園搵食，老鼠更肆無忌憚走上民居，夜晚見到老鼠尚算正常，何解日光日白都會如此猖狂，鼠患問題嚴重，原來有一個元兇，是有位伯伯餵老鼠，攝製隊現場直擊，發現這位伯伯伸手入食肆垃圾桶，拆開垃圾袋不停摷，將半塊疑似豬扒放入膠袋，之後左望右望，橫掃四周，睇準時機，倒入花叢餵老鼠，隨後再攞出另一袋食物，用鎅刀鎅開膠袋，用力一拋，將食物及麵包碎再拋入花叢，這位伯伯每日都會定時出現，而大批老鼠亦準時到來搵食，攝製隊上前了解伯伯放置食物餵老鼠原因，伯伯支吾以對，滅鼠專家指這種老鼠是溝鼠，比較肥大，而定時餵飼老鼠會令其每日都習慣返去同一個地方等食，提議可以放置更多捕鼠器、藥餌及堵塞鼠洞等，以加強滅鼠效果