《中年好聲音》參賽猛人雲集 話題人物大激戰

《中年好聲音》參賽猛人雲集 話題人物大激戰

無綫選秀節目《中年好聲音》經過幾輪試音及面試後,終於選出100人入圍進行比賽,多位參賽者率先現身,當中有參賽者的名字或其家屬都頗為人熟悉,有「屯門娜娜」董幸兒、李玟二家姐李思林(Nancy)、曹敏莉胞妹曹敏寶、黑妹李麗霞女兒葉穎秋、鄺文珣丈夫應德榮、子華神老友羅金榮、《愛回家》中演「賈名媛」的邱芷微、陳欣健女兒陳早怡、前樂隊sp'ACE成員周吉佩、歌手何弘軒、JW閨蜜支嚳儀等等,各人都備戰十足,對參賽充滿信心

曹敏寶獲家人戰友粉絲送愛 舉辦入行20年最大型生日派對

《中年好聲音》唱將 曹敏寶 舉行生日會,同粉絲慶祝3月17號嘅38歲生日。見到父母、老公、一對仔女同埋《中聲》嘅戰友到賀,Mable話入行20年,首次舉辦咁大型嘅生日會,佢自爆心情好緊張,因為一直好怕成為焦點,但諗到20周年呢個日子,就決定要舉行。

Mable話有唔少粉絲係由佢出發燒碟時已經支持自己,咁多年來不論佢肥與瘦,都無理其他嘢,只會擔心佢嘅健康,就好似家人咁樣關心佢。

身為Mable閨蜜嘅 林若盈 仲約埋《中聲2》嘅戰友一齊出席,佢衷心祝福Mable要一直咁開心,仲講到自己參加《中聲2》嘅原因,係因為見證Mable參賽後越嚟越開心。Mable話賽事除咗提升唱功,仲會令外在提升。

 相關推薦

熱門搜尋