入行11年的黃建東昨晚在一眾強敵中勝出《全能司儀選拔大賽2022》後，馬上在IG開LIVE講感受。分享喜悅之餘，他忍不住在直播間拿著獎座流下男兒淚。

「11年，很想找一份認同，由無機會到自己創造機會....」黃建東談起在圈中的血淚史，不禁感觸萬分。事實上，多年來他不時被指很想搏上位，作風騎呢，甚至有「六樓搲撈王」之稱， 而演出的都是不起眼的角色，直至今年演出《下流上車族》的都市小人物「保安陳」，才因夠貼地備受觀眾愛戴。

《下流上車族》的「保安陳」備受觀眾愛載

「我一直乘風破浪，很多幕後同事都鼓勵我，叫我堅持！」黃建東最後也不忘多謝TVB，多謝總經理曾志偉辦那麼多選秀SHOW，讓他跟其他藝人可以有更多發揮機會。

黃建東在一眾強敵中脫穎而出(IG照片)

黃建東表示要跟前輩學習

勝出比賽後，黃建東將會成為今年台慶夜的司儀之一！他承諾「台慶夜我會做好呢份工....為自己的演藝路KEEP住團火！」

「你雖然爬得慢過人，但總算贏了！」粉絲給他的回應，相信令他也得到不少安慰！

TVB年度壓軸盛事《萬千星輝頒獎典禮2022》進入倒數階段，各個組別入圍10強嘅藝人，已準備好心情迎接賽果，呢日佢哋去影樓拍攝場刊照。

入圍「最佳男配」嘅Bob林盛斌、林子善、鄭子誠、戴耀明、李成昌、張頴康、馬貫東，仲有入圍「男飛躍」嘅陳浚霆、張馳豪、黃庭鋒、鄭衍峰、孔德賢、關曜儁、林子超及黃建東，同時入圍兩項提名嘅吳偉豪同林景程。

林子善知道今年投票制當中，佢嘅得票佔大部份係網上朋友同幕後投票支持，佢直言係真選票，令佢覺得好激動，未諗過原來自己有咁多支持者，子善坦言：「得唔得到獎項唔重要，喺每一個人心見中，我係就得！」吳偉豪能躋身10強已覺得贏咗，今次仲有3項提名，佢表示心滿意足。

鄭子誠喺《金宵大廈2》演技又再提升，令觀眾讚口不絕，鄭子誠承認信心微微動搖，睇好李成昌同戴耀明；張頴康已第4度入圍男配，直認冇信心奪獎，笑言習慣陪跑，而馬貫東同林景程指今年入圍男配10強嘅演員實力強。

「男飛躍」10強藝員各具實力，張馳豪首獲提名，佢想陳山聰同陳瀅獲獎，又希望《美麗戰場》拎最佳劇集；關曜儁盼躋身5強，希望喺座位上有機會睇到啲片，而林子超及黃建東覺得喺2022年獲得唔少機會，佢哋珍惜機會來臨，冇諗過可以得到咁多人支持。