一班超能使者齊齊亮相宣傳活動，「煎pang」在劇中記憶和現實穿梭的橋段，被網民大讚演技大爆發，一個表情當中包括傷心恐懼無助憤怒錯亂絕望逃避，神級演技被力讚做「視帝」！但山聰和子善卻說他已升級到「視神」地位！Tiffany劉穎鏇噴血三點式上陣令劇情更刺激！一衆角色暗藏什麼秘密？他們會展現什麼新技能？所有迷思會在劇中陸續拆解。

馬國明、洪永城、高海寧（高Ling）、蔡思貝、劉穎鏇及朱敏瀚等經過近3個月拍攝，呢日聯同監製陳耀全舉行新劇《飛常日誌》煞科宴，咁啱當日係洪永城生日，大家窩心送上蛋糕及合唱生日歌慶祝。

馬國明就嚟同湯洛雯（靚湯）拉埋天窗，呢日全場預先舉杯賀馬國明白頭到老、永結同心同連生貴子，馬明透露好快要起行去外地辦婚禮，笑指大家有段時間會見佢唔到，踏入人生另一個階段，馬明已改口叫靚湯做老婆，佢sweet爆稱自己跳舞似機械人，不過為咗與靚湯跳first dance一定要練吓。

近日盛傳佢同鄭嘉穎不和，馬明再次澄清跟嘉穎冇嗌過交，完全唔知點解傳不和，之後等嘉穎得閒大家食餐飯再post上網就冇事；高Ling同蔡思貝呢對閨密一向好有默契，嚟緊佢哋仲一齊出發擔任靚湯婚禮姊妹團，高Ling講明只會接花球而唔會搶，佢指有傳接過花球要半年內結婚，叫身邊蔡思貝唔好亂接花球。此外，洪永城預告聖誕節跟阿女洪靖嵐（Amber）同媽咪去台灣三代同堂慶祝生日，佢哋三個都係12月壽星。