阿SA獻出第一次上<獎門人> 玲玲姐:「唔好攪我,會衰三年!」

 阿SA獻出第一次上<獎門人> 玲玲姐:「唔好攪我,會衰三年!」

在阿BOB的誠意打動下,難得邀請到很久沒露面的阿SA上<獎門人>,她興奮地表示自己是第一次出現這個節目,感到十分榮幸!另外,十多年沒上過<獎門人>的麥玲玲則對另一隊伍說:「唔好攪我,會衰3年!」,自己隊友則會旺5年!



杜如風揭「天生購物狂」頭銜另有其人 一口氣買35萬被母剪卡爆少買衫背後辛酸

堪輿學家麥玲玲帶領吳兆麟(Alan)、蔡景行(行仔)主持的清談 節目《玲玲友情報》,逢周三晚10點J2(82台)播映。噚晚(20日)呢集主題為「買嘢唔係咁樣買」,嘉賓就係「日本旅遊達人」杜如風(Helen)。

昨晚(20 日)主題「買嘢唔係咁樣買」。

噚晚(20日)呢集嘉賓為杜如風,有佢出現就知話題總離不開「購物」或「旅遊」。今次杜如風分享「購物慾」係點鍊成,節目開始杜如風被封為「天生購物狂」,玲玲師傅笑指講買嘢杜如風認第二,冇人敢認第一,點知杜如風謙虛只敢認第二︰「咁又唔係,章小蕙第一。」玲玲師傅補充以年紀而言,杜如風「癲狂」跟對方不遑多讓。

昨晚嘉實是「日本旅遊達人」Helen。

杜如風近年購物慾已大幅下降,客觀因素係早前搬屋清衣櫃,居然摷出30幾袋服飾,大部份未拆牌。主觀因素係體形改變,佢已租咗迷你倉都係擺唔晒,自己又唔知點解,肥咗成30磅,而家著衫上身唔靚,難買衫所以佢買少咗。

Helen 對「天生購物狂」稱號,只敢認第二。

杜如風笑言每次購物都有心花怒放戀愛感覺,因此不能自拔。杜如風購物史從18歲時求學時期講起,佢癲到一口氣買咗35萬衫,代價就係俾媽咪剪晒所有信用卡。事實證明杜如風嘅創意係被購物慾耽誤,佢二話不說報失信用卡,再要求銀行補發去大學宿舍︰「卡到手咪繼續狂碌囉。」更經典就係佢為咗買一對crossover鞋,發咗130封電郵畀鞋廠,最終皇天不負有心人,佢喺黑龍江分店買到合自己尺碼嘅鞋。

吳彥祖是 Helen 心目中另一位男神。(IG 圖片)

杜如風自言心態自10多年前開始有變,將購物同保值結合,佢接受訪問提到其中一項人生best buy︰「買咗款火柴頭錶、玫瑰金色,10多年買都成廿幾萬,而家升咗值啦!識使錢都要識搵,5月會開工拍旅遊節目。」杜如風所講嘅一款手錶,目前公價約為348,400元,買現貨就要付炒價,相較杜如風買入價,已升值近一倍。

Helen10 多年前買的同款手錶,目前已升值不少。

此外,玲玲師傅透露不熱衷購物,買鞋一次過同款買20對,笑言跟風水無關︰「因為我腳細難買鞋,驚以後買唔返有咪買定多啲。」玲玲師傅又批評老公何德嘅購物哲學喜歡左揀右揀,最後選擇較平嘅貨品,每次買回家又會發覺唔啱用,最後又要再買。玲玲師傅笑指應該一早買最好、最貴一款,計落仲化算!

Helen 展示早前拍 J2 節目《解風大阪》時,順道搜購的戰利品。

《玲玲友情報》J2(82台)逢周三晚10點播映

 相關推薦

熱門搜尋