蕭正楠區永權伍仲衡四區玩busking 現場人山人海

蕭正楠區永權伍仲衡四區玩busking 現場人山人海

蕭正楠區永權伍仲衡為準備將舉行的演唱會,日前到灣仔、旺角、中環及尖沙咀busking,現場人山人海,粉絲聽到如痴如醉。

ANSONBEAN打遊擊港九拍新歌短片 汗如雨下除外套爆肌引圍觀者驚呼

近日認愛Beanies成員 張天穎 嘅ANSONBEAN 陳毅燊 ,日前推出新歌《IMPATIENT》,新歌以藝人追女仔嘅角度,帶出所有人其實都可以將心中嘅包伏同規則放低,先可以更赤裸去面對大眾。呢晚佢就以「打遊擊」方式為新歌拍攝Dance Version,一晚內走勻銅鑼灣 、中環摩天輪、天星小輪同文化中心等地,呈現香港唔少特色。

ANSONBEAN早前到街頭拍攝新歌短片

當大隊喺銅鑼灣拍攝時,吸引一班豆粉同幾十名市民圍觀,Anson跳到大汗疊細汗,仲熱到佢除低外套,圍觀嘅大家仲對佢一身肌肉大為驚嘆。Anson話:「今次喺鬧市取景,同大家一齊互動、一齊玩咁,大家睇得好開心,我都覺得好開心。」

一晚走勻各區嘅佢仲話呢次體驗非常開心

其實今次拍攝概念,源自Anson最近愛上自導自演功夫短片,佢亦笑言:「目前為止拍咗7條,好多人問點解喺街拍,因為冇錢租場,哈哈!其實因為成日都即興,又想用最低成本做到最想做嘅嘢,大家又睇得開心,都好多人因為睇咗我嘅片,知道我喜歡武術。」佢仲話呢次拍攝都套用相同模式,希望可以將香港唔同地方呈現喺當中。」

身水身汁嘅佢一除衫大騷肌肉仲令圍觀嘅朋友驚呼

 相關推薦

熱門搜尋