J2 綜藝真人騷節目《仔仔一堂》，本周會播放終極一篇，今個星期五最後一集更會延長至一小時！終極篇中，「仔仔」們將進行大洗版，十名仔仔當中，被譽為「人氣王」的「嫰版王浩信」Louis上周五宣布因工作關係被逼中途落車，令仔仔們關係出現大洗牌，「型男混合體」Andrew、「187花美男」Carson、「Young 版尊龍」Ray、「型男主廚」Kenny成為固定組合，需進行不同任務，考察兩對仔仔的默契和配合指數。

昨晚（19日）一集，焦點集中在兩大固定組合「AC」及「RK」身上；Andrew約Carson一起甜蜜「整餅」，藉以觀察對方性格。Carson卻表現尷尬，淪為「浪漫氣氛終結者」？Andrew更坦言對初次約會頗感失望，直言對方反應敷衍冷淡，二人在進一步了解環節，始料不及竟忽然由「糖黐豆」變成「水溝油」！

J2節目同志配對真人騷《仔仔一堂》呢日舉行慈善粉絲見面會，監製王賢誌率領12位參賽者一齊現身，上星期五播出最後一集，仔仔們終於要為愛表態，Ray同Kenny喺節目中成功配對，二人歡度聖誕佳節，Ray收到Kenny送嘅名貴手袋，更甜蜜放閃稱只要係另一半送嘅都鍾意。

王賢誌開心見到Ray同Kenny喺節目中由陌生變成互信互賴嘅戀人，佢笑指因為《仔仔一堂》係一年前拍攝，佢哋要發展地下情，節目又未播出，佢哋要忍住唔公開戀情，王賢誌又指幸好佢哋感情穩定：「我同佢哋講唔可以咁快透露，如果你哋睇咗就冇意思，佢哋忍得好辛苦，好在依家仲喺一齊，如果唔係，我又死畀佢哋睇。」王賢誌再次恭喜Ray同Kenny成功配對，又叫佢哋畀媒人利是。

王賢誌作為節目監製，自嘲似「媽咪」咁勞心勞力，王賢誌投訴仔仔們好難約，有時出席活動又會提佢哋時間地點，但仔仔們卻已讀不回，王賢誌只好逐個打電話去叫大家回覆，仔仔們封佢做「仔仔一堂之母」，王賢誌聞言即大笑，講到第一季口碑收視理想，王賢誌坦言考慮開拍第二季：「要唞一唞先，籌備一輯並唔容易，搵人好難，尤其今次反應咁好，點樣超越第一輯，有咩新點子要從長計議，唔可以太急。」