因為愛情 | 連詩雅見證非一般生活態度 裸辭環遊世界實踐無拘束愛情

 因為愛情 | 連詩雅見證非一般生活態度 裸辭環遊世界實踐無拘束愛情

由連詩雅(Shiga)主持、一連15集J2全新節目《因為愛情》,「為了愛情,你可以去到幾盡?」。節目中Shiga共訪尋了12個特別的愛情故事,當中有人放棄麵包,追求非一般的生活態度及愛情;有人花盡精力照顧三名小朋友,希望透過節目尋回戀愛初心、有人為愛情改變宗教信仰、亦有人示範了不離不棄的愛情。故事平凡卻不簡單,讓觀眾深深體會愛情偉大之處,
是可以跨越時間、地域甚或生死。

節目前晚(26日)首播,Shiga自言在每位嘉賓身上找到最大共通點,是既能經歷患難,亦能一起成長及互相包容。第一個愛情個案主角是Sarah和Rex,他們原先分別從事IT及市場營銷工作,是典型的中環上班族。由朋友演變成戀人的二人,緣份開始了便一發不可收拾,更因旅行這個共同嗜好一拍即合,二人的愛情起點相當轟烈,就是在30多歲之時一起裸辭,花了一年時間環遊世界、足跡遍佈30多個國家。

除了在拼搏之年裸辭夠晒經典,「SR夫婦」更打破了香港人努力上樓的傳統,不糾結於陸地上的磚頭,而是選擇在海上生活。長洲出生的Rex對大海有一份情意結,故當年回港後,膽粗粗在近乎傾盡家財的情況下買下第一艘船,並一步步開展二人的出租遊艇事業。為了生計及所追求及嚮往的生活態度,二人期間做過補習、餐廳、裝修泥水等工作,Rex在節目中坦言當時一度想過放棄︰「始終對屋企人要有交代,以前咁舒服又搵到錢,而家就要食公仔麵捱麵包,為乜呢?去到第三年特別難捱。」

憑藉信念、堅持及靈活變通,「SR夫婦」不但捱過困難漸入佳境,Rex將對自己影響甚深的長洲文化融入其獨特的海上事業,相當勵志。不過最後二人為了兒子,最終還是重返陸地選擇「上車」,進一步印證了父母的愛是何等偉大!

星光路上完整版|怕醜仔入娛樂圈代母圓夢 羅天宇突破內向性別演活現代男

明明係參加《2008香港先生選舉》以泳褲出場大騷幹練肌肉入行,偏偏 羅天宇 每次出現就係一位斯文怕醜,不時帶住微笑嘅鄰家仔仔,今次《星光路上》 潘盈慧 就直接問問佢兩劇同步中同本尊完全唔同嘅角色點樣演出。

自細已經學會文武周身刀嘅Joey,運動彈琴乜都識,由澳洲放假返港,同樣受橫掃全球嘅韓流影響而開始集舞,仲因為咁而棄學業全心投入,仲笑言如果年輕10年隨時會舉手加入《亞洲超星團》。

Hip Hop學到拉丁,仲因為《舞動奇蹟》而誤打誤撞報名參加港男,更成為少年組冠軍。進而加入訓班成為演員。原來媽咪當亦為藝訓班學員,更曾參加選美,Joey指媽咪嘅支持,無形中代佢圓當年未竟嘅夢想。

加入成為演員由低學起,角色行行企企無甚滿足感,卻被安排《愛回家》演出,同一眾經驗豐富演員合作嘅5年經驗,令Joey對演戲既有滿足感亦更加深興趣。

到踏入30歲,思想變得成熟,又被安排加入《跳躍生命線》演出,深感機會需好好把握嘅佢如獲至寶,窮所有精力做好每一個細節,而壓力亦令佢狂冒白髮,潛心改變自己Mind Set。

之後嘅《香港愛情故事》首次擔正,貼地故事同現實背景,Joey嘅演出大獲觀眾好評,亦令當時嘅編導 林肯 滿意,間接促成《婚後事》再挑戰觀音兵拒負責任嘅角色。

做兵做到變大將軍再娶女神,自然演出皆因本身係好友,而《再見.枕邊人》中一個流氓律師,爆笑裝扮連再講都笑唔停,Joey就指當日周街都係圍觀途人,要克服尷尬嘅專注力非常艱難。

經過兩部各有不同嘅劇集角色,Joey希望繼續挑戰唔同角色,更希望有機會演出更多動作打鬥戲,而新一輯《巾幗》就有機會初嚐當中滋味喇。

 相關推薦

熱門搜尋