輕．功｜龔慈恩一人分飾兩角 再晒逆齡古裝Look

在《輕．功》劇中消失多時的龔慈恩，結局篇終以「何索」身份回歸，因而引發不少事端！上周五劇情說到，繆妙當年的替身何索從外地回港，並主動要求於志威（韋家雄飾）執導的電影預告片中客串演出，惟志威處處為難何索，更間接令到何索受傷；志威女友嘉嘉（楊卓娜飾）怪責他因當年對何索求愛不遂，才故意公報私仇，志威以保清白，終揭出與何索不可告人的往事！原來何索為了想升呢做主角，慫恿心急做導演的志威拿出《輕功》的劇本變賣，惟後來因事故泡湯，志威從此對何索充滿戒心。另一邊廂，何索與十一（黎耀祥飾）無端被記者追訪而登上娛樂新聞，十一好友懷疑有人刻意向記者放料……

談到要一人分飾繆妙與何索兩角，龔姐時坦言有難度，為突顯兩個角色的不同之處，龔姐花了不少心思：「繆妙比較溫柔，何索就硬朗，兩個角色聲線、溫柔度都要有差別，兩邊都放盡去演，希望觀眾易啲察覺區別。」穿上古裝的龔姐孖住祥哥舞住比武，相當有睇頭，龔姐笑言：「拍呢場動作戲冇咩難度，因為祥哥會識得就我！可以着番古裝、吊吓威吔拍動作戲，好似返番以前嘅Party咁，大家都好玩得好開心。」

獲網友大讚保養得宜，兼被封為「逆齡女神」的龔姐，被問到保養心得時大方分享：「工作時間唔穩定，無固定時間做運動，有時間都會約朋友行山、小跑；另外我比較注重天氣轉變，如果去到比較乾嘅地方，啲皮膚會即刻話畀我知，我就會用加濕機Keep住濕度。護膚品都好重要，最緊要適合自己膚質、年紀和當時天氣。」