輕．功︱結局篇鄭俊弘3分鐘淚崩戲催淚

《輕．功》踏入結局周，劇情愈趨肉緊。前晚一集劇情講到何索（龔慈恩飾）疑再次出賣志威（韋家雄飾），拿了《新輕功》劇本北上推銷，激到編劇錦賢（歐瑞偉飾）暈倒入院，其間，元植（鄭俊弘飾）一直陪伴在側。錦賢昏迷前曾叫了元植一聲「乖仔」，加上醒來後又指元植媽媽曾報夢着他好好照顧元植，令元植誤會錦賢就是其親生父親......

後來，醫生指錦賢突發性肝炎，急需做肝臟移植手術，元植即嚷着要抽血檢查是否適合捐肝，惟出來結果顯示兩人不可能是父子關係，大感失望的元植遂向師傅十一（黎耀祥飾）哭訴：「好想錦賢叔係我爸爸，點解我唔可以有個好爸爸，如果錦賢叔係我爸爸，媽媽就唔使一個人養我唔使咁辛苦，佢就可能唔使咁早死……」場面催淚。Fred於這場近3分鐘的喊戲，演繹得甚有感染力，現實中的Fred與生父原來也是自小便沒有聯絡，長大後雖然Fred曾主動聯絡上生父，也有過數面之緣，可惜最終仍是失聯。

Fred透露該場喊戲於早上六點拍攝，當時台前幕後均準備收廠以讓他感到很大壓力，幸好在祥哥和導演幫助下，Fred最終拍了兩Take便完工：「拍之前冇乜點同祥哥傾偈，因為想盡力投入個角色和培養情緒，之後祥哥有分享番佢拍喊戲嘅經歷畀我聽，好多謝佢。」