萬千星輝頒獎典禮 | 頒獎嘉賓星光熠熠 份量十足充滿彩蛋

萬千星輝頒獎典禮 | 頒獎嘉賓星光熠熠 份量十足充滿彩蛋

萬千星輝頒獎典禮2022一大亮點當然是星光熠熠的頒獎嘉賓,各大獎項都特別安排有份量嘉賓頒獎,張艾嘉及任達華兩位重量級人馬驚喜壓軸現身;還有闊別TVB多年的郭可盈、呂良偉、黃日華、苗僑偉。昔日好拍檔吳啟華及張兆輝就現身頒發最受歡迎電視拍檔獎項;至於最受歡迎電視歌曲獎則由歌手湯寶如及劉小慧頒發;麥美恩及鄭則仕隔代聯手頒發三個獎項:最佳綜藝節目、最佳資訊及專題節目、最佳年度及特備節目獎。香港舞台劇獎最佳女主角余安安及金像影后葉童亦風采依然地頒發最佳女配角獎;陶大宇、梁榮忠雙雙回娘家頒發最佳男配角獎。環亞創辦人兼CEO宋海西及譚俊彥負責頒獎馬來西亞視帝、視后,馬來西亞最喜愛TVB劇集三個獎項。

總經理曾志偉特地炮製驚喜,在沒有預告的情況下,親自頒發萬千光輝演藝人大獎給TVB助理總經理曾勵珍(珍姐),「珍姐」得知自己得獎,非常驚喜。原來志偉與她開會時聲稱得主是另一人,所以「珍姐」上台時第一句就質問: 「志偉點解呃我?」不過,她獲獎時,獲全場起立鼓掌:多謝珍姐。

曾志偉期望再開拍金庸劇集 呂良偉難忘拍雪山飛狐

噚日係武俠文學泰斗金庸先生百年誕辰,喺中環就舉行咗一個紀念活動,曾志偉、方力申、張玉珊、楊小娟等現身出席,而曾扮演過金庸小說角色人物嘅呂良偉、羅樂林、黎耀祥、白彪、米雪、劉丹及呂頌賢都有到嚟。身為金庸武俠小說迷嘅志偉話金庸筆下有一個字,係英文寫翻譯唔到,就係「義」字,而呢份俠義精神完全展現喺武俠世界入面,將中國人俠義嘅特徵寫晒出嚟,佢話搞到年輕人睇完之後就好似學咗一身好武功再去社會闖蕩。

成龍近照喺網上曝光,被人指佢突然變老,志偉代老友解畫。

志偉被問到TVB會唔會再開拍金庸嘅劇集,佢話TVB咁多年係最叻拍金庸小說同古龍嘅小說,志偉續道:「只不過近年版權係賣咗畀騰訊,今次影視展我哋都有同騰訊傾,可唔可以畀番一兩個我哋拍吓。第一,我哋好擅長拍金庸小說嘅作品,第二,金庸小說嘅作品最容易捧人,尤其係《神鵰俠侶》由劉德華到古天樂、陳玉蓮到李若彤,韋小寶由梁朝偉到陳小春、陳浩民。」TVB希望繼續搵嚟新演員拍攝金庸角色,令全世界更多人認識。

曾扮演過金庸小說角色人物嘅呂良偉、羅樂林、黎耀祥、白彪、米雪、劉丹及呂頌賢都有到嚟。

成龍近照喺網上曝光,被人指佢突然變老,身為老友嘅志偉就話兩個禮拜前,曾經同成龍食飯,當時知道對方要去沙特阿拉伯籌備新戲,而近日打扮係為新戲造型作準備,因為成龍留唔到鬚,所以為咗造型就唔可以剃鬚,留番畀造型師去修剪。

呂良偉喺85年同時飾演《雪山飛狐》中胡一刀同胡蜚呢個角色。

呂良偉喺85年同時飾演《雪山飛狐》中胡一刀同胡蜚呢個角色,時隔多年佢話仍然印象深刻,記得最辛苦就喺拍雪山外景,因為香港冇雪就將山頂噴白,再喺6月天拍打戲,有一次仲拍到暈咗,不過亦因為呢套劇令佢學識騎馬。呂良偉仲話自己好敬佩金庸,尤其係對方喺80幾歲時,仲去英國留學讀書,令佢視為學習榜樣。

噚日係武俠文學泰斗金庸先生百年誕辰,喺中環就舉行咗一個紀念活動。

飾演金庸筆下令狐冲而為人熟識嘅呂仲賢,佢好感恩當年可以飾演到呢個角色,不過講到若果可以畀佢再搵一個金庸筆下角色嚟演嘅時候,佢就話一定係金毛獅王,仲解釋因為呢個人物嘅霸氣已經入咗心,背後悽美故事同樣動人。

 相關推薦

熱門搜尋