獎門人新春感謝祭｜嬌滴滴JW遭連環攻擊　飛身坐爆波「聲夢仔仔」嚇到面容扭曲

TVB播映賀年特別版《獎門人新春感謝祭》，望落嬌滴滴的王灝兒（JW）也非常搞笑，施展「魚躍龍門」式，雙腳離地彈跳坐爆波，衝擊力之勁，更令「聲夢仔仔」文佐匡（Sean）和侯雋熙（Duncan）面容扭曲恍如受刑咁款，前者見JW飛撲埋嚟一刻，即時恐懼得大聲慘叫！

身高1.56米的JW又遭獎老們連環攻擊，先是於「排排坐」期間被林曉峰（阿Lo）暗寸：「有個別嘉賓企喺度，我又唔覺企喺度。」之後玩「開口中」時，JW向獎門人報寸，被程浩駿從後偷襲掟Cream，怎料獲批准還擊的她再被「高人」程浩駿嘲諷：「你夠唔夠高？」激到JW怒「抆」Cream報仇！