中年好聲音|《領悟》組隊長涂家堯「最強黑馬」彈出獲封MVP

中年好聲音|《領悟》組隊長涂家堯「最強黑馬」彈出獲封MVP

《中年好聲音》展開第三部曲《團戰!影視金曲生死鬥!》,該集另一名MVP選手,則為《領悟》組的涂家堯,堪稱「最強黑馬」。在之前回合平平無奇的家堯,不但為組別擔任隊長及精神領袖角色,更因出色唱功及感染力,獲評審一致好評。嘉賓評審彭健新:「最鍾意隊長把聲,低得嚟好實」。肥媽:「隊長今日把聲,如果你獨唱揀呢隻歌,贏咗九年啦!」家堯亦於台上大派勵志Bite:「我哋呢隊唔係最多五燈選手,希望今日能夠證明到畀大家睇,我哋都可以做到我哋想做嘅嘢。」獲全場熱烈掌聲。

最終《領悟》組獲得了79分佳績,成為全晚第二最高分,果然勵志。

羅啟豪新歌速登音樂平台首位 MV鬧市取景令「社恐」有所改善

羅啟豪 新歌《相信相信》3月26號正式面世,新歌推出短短兩個半鐘就已經登上音樂串流平台排行榜首位,令Ramon都喺社交平台出Po話難以置信。而Ramon一班歌迷仲帶埋大型電視到電視城外,同偶像齊齊睇MV首播,令Ramon都忍唔住落下男兒淚,笑指:「我參加比賽咁耐都冇喊過一次,啲人以為我係冷血嘅。」

而Ramon亦都坦言,自己睇落好似對所有人都擺出一樣嘅面孔,所以唔容易顯示真正嘅自己。佢更感性同大家講:「冇大家嘅支持,我唔會撐到而家。」

Ramon新歌MV都花足心思投入拍攝,更穿梭港九鬧市以Busking方式取景,呢個體驗唔只好玩,Ramon仲覺得自己嘅「社交恐懼症」已經改善唔少,即使被途人圍觀都再無怯場感覺。

呢首歌作為Ramon第一首個人單曲,新歌歌詞都同佢嘅人生非常貼合,其中一句「從睡房到大舞台」就令Ramon認為完全係佢由素人變成《中年好聲音》參賽者嘅寫照。

 相關推薦

熱門搜尋