有種好男人|結局周峰迴路轉 吳偉豪、馬德鐘父子關係曝光 李佳芯愛情親情同告急

有種好男人|結局周峰迴路轉 吳偉豪、馬德鐘父子關係曝光 李佳芯愛情親情同告急

熱播劇《有種好男人》,本周播放結局周,昨(16日)晚一集劇情峰迴路轉,Charlie(李佳芯Ali飾)與日正(馬德鐘飾)在辦公室甜蜜公開戀情後,原以為二人發展順利,可惜卻因為顧迦南(胡諾言飾)質疑Charlie與日正關係的一番說話,令日正與Woody(吳偉豪飾)意外得悉二人是親父子關係!原來Charlie亡夫當年有不育問題,Woody是人工受孕得來的兒子,而捐精者就是日正。聽到真相後晴天霹靂的日正,因懷疑Charlie當初接近自己意圖對二人關係失去信心,Woody也對於自己被蒙在鼓裏多年大感不是味兒,回家後對Charlie一再怒吼:「你之前唔講,依家都唔使講,講咗我都唔會再信你哋!」最終一怒之下離家出走,Charlie愛情與親情同時備受考驗……

無論在《愛‧回家之開心速遞》中或之前演出贏得不少好評的《回歸》,Ricco甚少展現爆Seed面,直認該場口對他來說很大挑戰:「我一睇到場戲,已經知道對我演繹嚟講係一個大爆發,因為情緒要去到好高漲。去到現場,導演同Ali都話呢場係Woody最爆其中一場,所以我拍嗰陣都有啲緊張,驚去唔到個Level。」Ricco笑指現實生活中,自己即使有不滿亦是吞聲忍氣型:「一來驚返唔到轉頭同尷尬啦,二來我性格比較內向,好多嘢聽咗唔鍾意,我都唔會講出嚟,自己屈住就算。」

《再見‧枕邊人》結局丨Final Big Boss 揭盅!「暗黑父子情」張國強慈父Tone感染力強

TVB劇《再見‧枕邊人》噚晚(28日)劇情跌宕起伏非常精彩,高潮位一定係晴天(黃智雯飾)與長勝(羅天宇)喺迷你倉檢查小敏(區明妙飾)遺物嗰陣被跟蹤者搶走重要證物,正當觀眾為二人感到肉緊,劇情驚現反轉位揭示「晴勝」原來係故意被跟蹤,一切只係設局引「大凌生」凌頌恆(張國強飾)上當,令小敏被強迫吸毒致死嘅影片透過直播公諸於世。

晴天與長勝到迷你倉檢查小敏遺物,被幪面人搶走重要證物。「晴勝」故意被跟蹤,一切只是設局引「大凌生」上當。小敏被強迫吸毒致死的影片 透過直播公諸於世。

雖然影片影唔到兇手樣貌,由於手上戴藍寶石戒指為「大凌生」標誌性飾物,深知被全城認定係兇手大凌生知道大勢已去後,第一時間係抱住與愛兒Alex(鄭俊弘飾)合照跌坐地上痛哭,並向Alex留下告別口訊:「爹哋唔能夠再陪你,你以後好好地靠自己。」當大家以為大凌生罪有應得,劇情竟再有反轉,原來Alex先係殺死小敏嘅真兇,同時亦係林秀怡劇中死去妹妹嘅兒子Bosco生父!大凌生為保兒子聲譽,背後可謂下咗唔少苦功。

全城直播拍下小敏死亡真相的影片,以及大凌生看到影片時的反應。Alex 與大凌生呢段「暗黑父子情」歪理得好感人。大凌生溺愛兒子 Alex,決定代子頂罪,善美安排 Alex 到美國避風頭,但 Alex 唔肯離開。

今晚(29日)大結局, Alex將終極大暴走,擄走晴天至荒山野嶺進行報復,善美(張曦雯飾)及萬森(馬德鐘飾)先後趕到現場營救晴天,其間萬森與Alex上演連番激戰,同一時間當年謀害晴天嘅Final Big Boss真身終極揭盅,答案絕對令人意想唔到,四人混戰期間,竟然有一人最終墮崖身亡,結局可謂反轉再反轉!

原來 Bosco 生父係 Alex,二人亦早在醫院相遇。Alex係殺死小敏的真兇,同時亦是林秀怡劇中死去妹妹的兒子Bosco生父!

結局周以洋蔥式揭出真相令人驚艷,大凌生與Alex呢段「暗黑父子情」相當吸睛,大凌生喺入獄前專誠拍片畀Alex,以極慈祥父親口脗講出「就算你闖幾多禍都好,我都幫你孭晒」、「就算你一事無成,你都係爹哋最錫嘅仔」。由於大凌生實在講得太感人,Alex流下自責眼淚並爆出自己先係殺區明妙真兇:「我唔……應該戴你隻戒指!我唔應該害死小敏,係我累咗你,對唔住。」劇飾演經常闖禍富二代Alex嘅鄭俊弘(Fred),對於擔演此角直呼過癮,坦承尾段演出難度較高:「要Keep住好崩潰、好緊張、好癲喪嘅狀態,要好快由0去到100,需要好多energy,但呢個角色好好玩。」

晴天今晚將被擄走,再次身陷險境。善美與萬森先後趕到現場,萬森認為善美有份加害晴天。

鄭俊弘以往大多數演乖乖仔,坦言是次演奸角好有得著:「永遠唔可以諗自己係奸,同自己講係好嘅,你就可以好完整同埋justify到你角色所做嘅嘢。」鄭俊弘又指拍攝時兒子鄭讚廷(Asher)出世冇耐,初為人父卻要達宵達旦開劇,只能夠透過視像及家用監控鏡頭與兒子「見面」。
混戰期間有人墮崖身亡,究竟會係邊個?鄭俊弘大結局將終極暴走,值得期待。

 相關推薦

熱門搜尋