中年好聲音︱五燈選手鮑聖光跌Watt連環忘詞 竟成全晚最低分

中年好聲音︱五燈選手鮑聖光跌Watt連環忘詞 竟成全晚最低分

TVB綜藝歌唱真人騷《中年好聲音》,進行第三部曲次回合《影視金曲生死鬥》,經過一輪激戰,鮑聖光跌落危險區,令人大跌眼鏡!以靚聲打響名堂的「鮑大人」鮑聖光獻唱陳百強的<一生何求>,惟表現跌晒 Watt,竟出現連環忘詞嚴重失誤,伍仲衡說:「一路聽都好辛苦,見到你又辛苦,我哋聽又辛苦,啲高音去唔到,係夾硬飆上去。」張佳添說:「唱甩歌詞唔係問題,甩咗旋律先係問題。」但肥媽則表揚鮑大人的執生功力:「你有樣嘢好,你作歌詞,真係要畀掌聲佢,唔係人人做到,你作都唔緊要,最緊要唱到落去。」曾兩度奪得五燈的鮑大人,最終只獲得61分,成為全晚最低分。

中年好聲音2|安雅希壓力大難享受舞台 林若盈無悔為母親放棄歌手夢

歌唱真人騷《中年好聲音2》喺25號晚 就會播出第十部曲《雙語之歌,累積排名榜 十強隆重登場!》下半場。今集賽果非常緊張,12 位選手演唱完畢後,有 3 位選手因為同分而齊齊跌落危險區,最終三個只能活一個,到底誰勝誰負,大家就要密切留意節目播出喇!
 
安雅希獻唱《李香蘭/秋意濃》,佢話天上嘅爸爸好鍾意呢首歌。輝智挑戰自己之前未聽過嘅歌曲版本,認真大膽。

本集出場名單如下:《李香蘭/秋意濃》安雅希、《幾分傷心幾分痴 /一場遊戲一場夢 》顏米羔、《限期 / 夢一場》林若盈、《愛與痛的邊緣/ 有多少愛可以重來》譚輝智、《小城大事/ 大城大事》陳蒨葶和《半途而廢/原諒自己》陳燕娜。
 
林若盈曾經為咗媽媽放棄歌手夢。林若盈講起媽媽時熱淚盈眶。

大魔王安雅希獻唱歌神張學友嘅《李香蘭/秋意濃》,而呢首歌亦係佢已逝爸爸最愛嘅歌曲。不過雅希呢次表現就可圈可點,肥媽就直指雅希有壓力:「不嬲好鍾意你唱歌,但我覺得呢兩場你畀咗壓力自己,唔好畀壓力自己,要享受個舞台,咁先冇得輸!」慧嫻就指:「呢隻歌對我嚟講,每隻字都應 該唱得好圓、好滑,但你呢方面未做得好好。」不過一向要求高嘅「門神」伍仲衡竟然對雅希嘅表現給予正評:「每一次都唔會對你失望,我覺得你廣東話歌愈嚟愈進步,聽到你係花咗唔少時間去學好唱廣東話歌。」
 
顏米羔

後來居上嘅「最強黑馬」譚輝智今次獻唱《愛與痛的邊緣/有多少愛可以重來》,但估唔到佢其實從未聽過普通話版本,係為咗今次比賽先特意苦練普通話版,認真藝高人膽大!輝智嘅演出同樣可圈可點,普通話出名水皮嘅伍Sir笑言:「其實我聽唔明你普通話唱咩,但覺得幾好聽,而你廣東話有懶音問題,真係要注意一下。」肥媽就認為:「你上一集真係太好喇,我哋將你個 Standard 擺咗喺神枱,所以你跌啲啲都唔得,你要鞭策自己,如果唔係我哋打你蘿柚!」

林若盈

以《愛與痛的邊緣/ 有多少愛可以重來》出戰嘅林若盈,喺賽前接受製作組訪問,分享佢崎嶇嘅追夢之路。早年喺台灣曾經參加過音樂比賽嘅若盈,原本係有機會出道做歌手,只可惜屋企突然出事令佢被迫回港。若盈就話:「當時已經傾緊公司,一切好似好順利,但媽咪工作上出現問題,令屋企經濟出現問題,所以我要放低晒所有嘢返番香港。我絕對有唔甘心,但畀我揀多十次、一百次,我都一定會返嚟,因為呢個係家人嘅責任。」若盈提起媽媽時眼濕濕,坦言媽媽為家庭犧牲好多:「媽媽好偉大,喺爸爸冇再返屋企之前已經留低咗債務,媽咪有一段時間除咗要照顧我哋之外仲要還債,當時一聽到有人行樓梯,就會好自然攞起搖控器閂細電視聲。有時真係有人拍門時,我哋要扮冇人喺屋企。」到底若盈嘅心酸經歷,又可唔可以成佢為傾情演唱嘅養分呢?

陳蒨葶 陳燕娜

《中年好聲音 2》逢星期日20:30翡翠台播映

 相關推薦

熱門搜尋