中年好聲音︱五燈選手鮑聖光跌Watt連環忘詞 竟成全晚最低分

TVB綜藝歌唱真人騷《中年好聲音》，進行第三部曲次回合《影視金曲生死鬥》，經過一輪激戰，鮑聖光跌落危險區，令人大跌眼鏡！以靚聲打響名堂的「鮑大人」鮑聖光獻唱陳百強的<一生何求>，惟表現跌晒 Watt，竟出現連環忘詞嚴重失誤，伍仲衡說：「一路聽都好辛苦，見到你又辛苦，我哋聽又辛苦，啲高音去唔到，係夾硬飆上去。」張佳添說：「唱甩歌詞唔係問題，甩咗旋律先係問題。」但肥媽則表揚鮑大人的執生功力：「你有樣嘢好，你作歌詞，真係要畀掌聲佢，唔係人人做到，你作都唔緊要，最緊要唱到落去。」曾兩度奪得五燈的鮑大人，最終只獲得61分，成為全晚最低分。