中年好聲音︱黑馬涂家堯風騷派心心 評審唔受落狠批太花臣

中年好聲音︱黑馬涂家堯風騷派心心 評審唔受落狠批太花臣

TVB綜藝歌唱真人騷《中年好聲音》配合農曆新年節目安排,第八集將提前於年卅(周六日)晚播映,最新一集進行第三部曲次回合《影視金曲生死鬥》,顧名思義是以經典電影或劇集歌曲為主題,晉級的20位選手會以個人身份作賽。今回合再有新賽制,就是首兩名出戰選手完成表演後,需在旁等待第三位選手成績,三位中最高分一位直接晉級,另外兩位直接跌落危險區。隨後出戰的選手,只要成績高於危險區的選手,即可直接晉級,反之則會與危險區內較高分選手「交換位置」,過程刺激又緊張!

上周爆出的黑馬涂家堯,今回獻唱張學友的<月半彎>,自信十足的他表演期間不時在台上派心心,表現風騷,惟評審不太受落,單立文說:「用真感情唱好首歌,我聽歌係合埋眼聽,唔睇呢啲花臣嘢。」周國豐亦說:「實在唔需要太多心心,成首歌嘅氣氛降低咗。」到底家堯會否「衰多心」而陷入危機?

中年好聲音2|陳俞霏孖XiX玩Y2K 顏米羔夥彭家賢Rock爆舞台

歌唱真人騷《中年好聲音 2》今個期日晚 (3月3日)會播出《九強戰!聲夢學員中二合唱!》,10強選手將與《聲夢傳奇》學員拍住上爭奪9強席位,繼續有肥媽、伍仲衡、 張佳添、周國豐及陳慧嫻擔任評審。 

顏米羔(右)同彭家賢合唱《紅色跑車》。張佳添就話佢哋好似兩兄弟溝女。

是集「中年X聲夢」聯乘令觀眾引頸以待,一眾熱愛唱歌、勇敢追夢嘅好聲音打破年齡界限,擦出不少火花。42歲顏米羔夥拍27歲彭家賢(Zayden)獻唱 《紅色跑車》,並雙雙以紅色外套上陣十足十兩兄弟,佢哋更特意為演出設計小舞步,Rock爆舞台。伍仲衡大讚有穿透力:「呢啲歌顏米羔實食冇黐牙,你好啱唱Rock歌,好有火,Zayden今日做咗助攻,唔搶之餘好幫到米羔個Vocal。」張佳添則笑言:「感覺好正,好似哥哥帶住細佬揸架紅色跑車去溝女。」 

陳俞霏同 XiX 跳唱《全身暑假》,勁有青春活力。周國豐話睇完好開心。

一向形象鮮明嘅陳俞霏與XiX齊齊以Y2K打扮上場,勁歌熱舞獻唱《全身暑假》,散發魅力舞台,主持車婉婉笑笑口話:「好似媽媽帶啲小朋友去 Playgroup 咁!」周國豐笑言:「俞霏真係要多謝呢5位小妹妹,好青春活力,令到我呢啲叔叔睇完好開心,即使有個媽媽陳俞霏喺度,成件事都好有說服力。」陳慧嫻聞言即加把嘴笑指:「我加入都好有說服力,完全唔覺得俞霏係媽媽,最多係似大咗兩年嘅家姐。」

沈宗賢、趙紫諾獻唱《一眼瞬間》,兩人年紀相差26年。文凱婷與陳蒨葶跳唱《灰色》。《我真的受傷了》黃劍文+金永衡

41歲嘅沈宗賢同15歲嘅趙紫諾(Sabrina)獻唱《一眼瞬間》,兩人係年齡差距最大嘅一組,足足相差26年。宗賢係出名嘅重炮手,Sabrina擁有一把雄渾聲線,最終擦出不一樣嘅火花。雖然Sabrina廣東話進步咗好多,但普通話出名水皮嘅伍仲衡仍堅持對住Sabrina講普通話:「Sabrina唱得很好,但是你很像很怕他,好像被迫的!」陳慧嫻都有同感:「宗賢今次係最有男子氣概嘅一次,但就好似蝦緊 Sabrina咁,感覺唔似一首情歌。」張佳添笑指:「15歲妹妹對住40幾歲叔叔,你想佢點啫,我合埋眼聽已經好開心!」

《一加一》林若盈+趙小婷《我不難過》安雅 希+黃洛妍《敢愛敢做》譚輝智+趙頌宜

不同嘅組合為觀眾帶嚟唔同驚喜,出場名單仲有《我真的受傷了》黃劍文+金永衡、《一加一》林若盈+趙小婷、《我不難過》安雅希+黃洛妍、《敢愛敢做》譚輝智+趙頌宜、《我們的愛》劉威煌+劉倩彤、《祝君好》古淖文+冼靖峰、《灰色》陳蒨葶+文凱婷。

《我們的愛》劉威煌+劉倩彤《祝君好》古淖文+冼靖峰

《中年好聲音2》逢周日晚 8 點 30 分翡翠台播出

 相關推薦

熱門搜尋