「世一金賦」紅館處男騷完美落幕 《給缺席的人唱首歌》獻亡父

MC張天賦《 THIS IS MC 》一連三場紅館演唱會,昨晚終於完滿結束,除了現場一萬多位「賦二代」外,尾場更做了網上直播,有三十九個國家及地區的樂迷一起觀看。昨晚(大年初一)的紅館充滿歡呼聲,震耳欲聾的叫喊聲,哭聲交叉著歌聲,歡樂之中又感動又充滿愛。

演唱會來到尾場大年初一,MC先跟觀眾拜年,恭祝大家新年快樂,身體健康、心想事成,唱《反對無效》時,幾架超級市場手推車,由「吉」車出場,到歌曲完畢,就像去完超市買嘢一樣,三架車堆滿歌迷的利是及禮物,全場氣氛歡樂萬分。

尾場請來了古巨基擔任嘉賓,兩人合唱《自我安慰》,MC指基仔是他兒時聽得最多歌及學習唱歌技巧的對象,所以自己人生的第一個紅館演唱會,不能沒有對方,基仔鼓勵MC,「希望你愈唱愈勁,期待你以後一次又一次演唱會!好開心可以做你嘉賓, 我哋認識一年多,見到一個好鍾意唱歌嘅人,由busking 唱到紅館,係一個好勵志嘅故事。MC,你哋新一代歌手,係我心目中係好叻,啲人講邊個係邊個接班人,我覺得接班人好老土,唔好講接唔接班啦,其實新一代做音樂好叻嘅朋友,你哋已經創造咗一個音樂新時代,冇任何接唔接班,加油啦!」語畢獲得全場掌聲歡呼聲。

每晚MC 唱到《單車》時,都強忍著淚水才能唱下去,昨晚也不倒外,昨晚唱《世一》前,MC向觀眾吐心聲,「好開心今年成為第一個係紅館渡過嘅歌手,多謝大家比左一個可以握手,可以坐滿100%嘅紅館演唱會我。今日我喺台下,未出場前真係好緊張,今朝起身發現喉嚨好腫,個人好累,沙聲,我真係緊張到想喊,但係我同自己講,唔得!我 一定要撐住,好多朋友食緊炒價嚟睇,我更加不能辜負你哋。今日嘅我,未必係最好嘅我,我必定會繼續努力,務求可以係大家心目中,做到《世一》!」

完場後,觀眾不肯離去,不停大叫安歌,最終MC再次升台,他感動一再多謝大家支持,繼而解釋前兩晚為什麼沒有安歌原因,「咁多晚冇安歌,我係台下面,聽到大家係到叫安歌,其實好心痛,請原諒我,因為我好怕聲音狀態未係最好,我又好擔心唔早啲休息,會影響第二日表現。我又冇咁多歌....今晚最後一晚,我揀左呢首歌,希望達到歌嘅意思,留俾心入面嗰個人,送俾大家《給缺席的人唱首歌》」現場大家都收到呢首歌,是他獻給天上的父親,掌聲不斷,而MC亦唱到一半,再次泣不成聲,場面感人。

 相關推薦

東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話
東張+ | myTV SUPER 24小時即時新聞 本地、國際時事熱話