中年好聲音|顏志恒驚喜唱<婚紗背後> 哽咽感激太太默默付出

中年好聲音|顏志恒驚喜唱<婚紗背後> 哽咽感激太太默默付出

TVB綜藝歌唱真人騷《中年好聲音》,周日一集,繼續進行第三部曲次回合《影視金曲生死鬥》,是集可謂強強對碰,皆因有4位五燈選手登場,包括支嚳儀、林鉫徫、吳大強和周吉佩,另外還有兩大黑馬顏志恒和羅啟豪。當中,「浴室歌王」顏志恒大晒感性一面,身為廚師的他,要兼顧工作與比賽非常吃力,賽前受訪時感激太太默默付出,讓他可以無後顧之憂比賽:「我太太都好辛苦,好多屋企鎖碎事我都抌低咗,呢排都係靠佢撐住我!」顏志恒選擇獻唱殿堂級歌手徐小鳳的<婚紗背後>,肥媽聽畢直言:「我好鍾意呢隻歌,當見到佢話唱呢隻歌時,我係『吓!男人唱呢隻歌?』但佢又用到自己方法去表達到個感覺。」

羅啟豪新歌速登音樂平台首位 MV鬧市取景令「社恐」有所改善

羅啟豪 新歌《相信相信》3月26號正式面世,新歌推出短短兩個半鐘就已經登上音樂串流平台排行榜首位,令Ramon都喺社交平台出Po話難以置信。而Ramon一班歌迷仲帶埋大型電視到電視城外,同偶像齊齊睇MV首播,令Ramon都忍唔住落下男兒淚,笑指:「我參加比賽咁耐都冇喊過一次,啲人以為我係冷血嘅。」

而Ramon亦都坦言,自己睇落好似對所有人都擺出一樣嘅面孔,所以唔容易顯示真正嘅自己。佢更感性同大家講:「冇大家嘅支持,我唔會撐到而家。」

Ramon新歌MV都花足心思投入拍攝,更穿梭港九鬧市以Busking方式取景,呢個體驗唔只好玩,Ramon仲覺得自己嘅「社交恐懼症」已經改善唔少,即使被途人圍觀都再無怯場感覺。

呢首歌作為Ramon第一首個人單曲,新歌歌詞都同佢嘅人生非常貼合,其中一句「從睡房到大舞台」就令Ramon認為完全係佢由素人變成《中年好聲音》參賽者嘅寫照。

 相關推薦

熱門搜尋