中年好聲音｜首度Solo廣東歌 吳大強僅用一周學識吹口琴冧爆肥媽

無綫綜藝歌唱真人騷《中年好聲音》，周日（12日）晚播出的第十一集，展開第四部曲次回合《導師分組賽！絕境生還戰！》，由星級導師蔡立兒、韋綺姍、彭家麗帶領的三組，將分別派出代表出戰次回合的三輪比拼「睿智之歌、慘痛悲歌、浪漫愛歌」。

是集有直達「大魔王」級別的「Bill哥哥」吳大強登場，自然是焦點所在。代表紅組出戰的Bill哥哥，今次首度Solo獻唱廣東歌，是歌神許冠傑<浪子心聲>，唱功繼續無可挑剔之餘，他更出動兩大秘密武器「吹口哨」和「吹口琴」，為處於劣勢的紅組搶分！最終獲得89分佳績。

71歲的Bill哥哥在台上自爆口琴秘技其實是「即買即學」：「呢個口琴，其實係一個禮拜前先買，所以我鼓起好大勇氣。」贏得全場掌聲。被冧到暈晒浪的肥媽大讚：「靚仔好有舞台風範同經驗，You belong to the stage！」伍仲衡說：「你用一個禮拜口琴就吹成咁？真係犀利！」蘇永康則說：「呢位長輩雲淡風輕咁講咗佢人生經歷畀我哋聽，聽得好感動。」

就連主持車婉婉都被Bill哥哥的魅力「迷暈」：「大強你咁樣唔得架喎，次次都揞啲武器出嚟，啲女仔會死晒架喎，我頭先都暈低咗！」