中年好聲音｜與父母關係破冰 梁浩銓為媽媽唱好<暴風女神>勁有火

無綫綜藝歌唱真人騷《中年好聲音》，周日（5日）晚播出的一集，繼續是第五部曲次回合《譚校長金曲！爭入12強！》，餘下的七位選手出場爭取晉級12強資格。

獲父母親臨錄影現場支持的梁浩銓，打頭陣獻唱校長經典快歌<暴風女神Lorelei>，浩銓邊唱邊Un引爆全場氣氛，終獲得88分高分，浩銓大叫並鬆一口氣。評審張佳添亦大讚：「呢個舞台今晚係屬於你，你有廿幾歲嘅活力喺度！我暫時未見過有個參賽者有你呢種活力。」周國豐同樣力讚浩銓有勇氣：「你把聲駕馭到，同隊Band好配合，可以做到全起氣氛起哄，今次係你參賽以來表現最好的一次！」校長則說：「佢個眼神好有火！」浩銓聞言即乘機向在場的媽媽示愛謂：「我媽媽係好鍾意譚詠麟前輩，所以我一定要唱好呢首歌。」