炎明熹苦情新歌<大開眼界> A0獨到愛情觀佛系看世界

炎明熹(Gigi)於3月14日「白色情人節」發布新歌<大開眼界>，年紀輕輕的她，至今尚是「A0」身份，尚未踏進過愛情世界，如何演繹一首「苦情歌」？

<大開眼界>背後故事講述以A0旁觀者身份唱出愛情苦澀，提醒世人勿為愛情無限退讓，最終失去自己，更隨時會親手斷送呢段愛情。在新作中，Gigi依然表達出愛情中扎心的內心世界，她將歸功於作詞人曰云：「填詞人有同我講，講完我明白少少道理，睇完成個故事，認為唔可以太過卑微，唔可以一味付出，因為只要嗰個人鍾意你嘅話，係唔會要你咁樣做。」

Gigi又認為愛情世界中，可以與第一個遇上的人情定終生，是一件非常難得的事，不妨先令自己「大開眼界」：「去睇下更加廣闊的世界，可能都係好事，唔會畀任何事物框住自己。」

Gigi至今尚未遇到初戀，她的愛情觀又怎樣？她指將來若遇上自己深愛嘅人時，會願意為對方作出妥協，不過若對方令自己一再放寬底線，佢就理性指係時候反省，諗清楚對方係咪否真正喜歡自己。Gigi笑言自己感情事上抱佛系心態：「唔抗拒戀愛，因為可以體驗吓唔同情緒，為人生加上一啲故事，但我比較佛系，拍拖呢樣嘢可以唔使咁急住，佢嚟就接住佢，佢唔嚟都冇所謂。」