車家齊聚為林敏驄演唱會綵排「魔音芊芊」再次挑戰《一家人》

東張直擊

2023-03-16 20:15

「車總」林敏驄的演唱會舉行在即，今日他與《下流上車族》的好拍檔江美儀、郭柏妍、羅毓儀一起綵排；期間「車氏伉儷」要求「芊芊」郭柏妍「喺邊度跌倒，喺邊度企返起身」，再次演唱該劇主題曲《一家人》，並與「有夾開band」的「蔓蔓」羅毓儀一起用結它「jam歌」。

[獨家]芊芊蔓蔓新年又再合體可愛拜年打扮拍宣傳片

因為《下流上車族》嘅演出而廣受歡迎嘅芊蔓姊妹花郭柏姸同羅毓儀，呢日又再次合體拍攝宣傳片，佢哋仲以可愛到爆嘅拜年打扮現身非常應節，大家又覺得佢哋呢個打扮定係劇中嘅女僕造型Cute啲呢？

呢日除咗念對白之外，Rosita仲要唱歌曬魔音，仲話呢次係接受突擊唱歌測驗，身邊嘅細妹Yuki笑成咁又眼仔碌碌，似乎對搵到個好位可以笑家姐非常滿意，而Rosita就話之後要以「魔音改進計劃」改造自己嘅歌喉喇。

雖然近日有傳Yuki已經加盟唱片公司，不過呢日佢就話有家姐出現，自己嘅歌手夢多數都無法實現，仲話「未開始已經結束」咁話呀。

星期日就係大年初一，Yuki就因為喺新年會有一個小假期，所以會去親友屋企拜年喇，而Rosita仲會下廚炮製賀年糕點，不過新年期間佢就要繼續拍新劇《奪命提示》開工，祈望新一年繼續旺咁話呀。