有片｜李克勤演唱會壓軸嘉賓有彩蛋 華仔透露好快會再開演唱會

一連七場「弦續李克勤・港樂演唱會」5月20號在紅館舉行最後一場，李克勤請來重量級嘉賓兼好友劉德華擔任壓軸嘉賓，兩人合唱《如果有一天》及《我恨我痴心》，將紅館氣氛推至最高點。
李克勤每晚也會選唱一首其他歌手作品:「今晚我揀的歌，呢個人點形容佢？我問過佢，你情願人讚你靚仔，定係讚你唱歌好，演戲好，佢話靚仔！我但凡有咩奇難雜症，我都會去搵呢個人，遇上困難佢係我明燈，以前每一次我做演唱會，佢一定來睇採排，以下呢首歌，送比劉德華先生: 《如果有一天》」克勤唱了幾句後，劉德華就慢慢由看台底層升上來，現場觀眾得知後驚喜興奮歡呼，華仔:「其實我一直都好驚。」克勤: 「吓？你驚？你都會驚？」華仔笑道:「驚呀，上一次我都係唱呢首歌(如果有一天)我吊係上空兜左一個圈，就要同大家講下次再見啦。所以今日再唱呢隻歌，對我來講係好有意義，但又好驚，個心慌㗎。」克勤話，「咁你幾時再開呀？你記的叫我來呀。」華仔就話，「好快㗎啦。」然後叫全場觀眾企起身，再跟克勤合唱《我恨我痴心》。