長壽節目《勁歌金曲》在周日晚完成歷史使命，21日晚播出最後一集，結束長達43年的歷史。

《勁歌金曲》多年來留下不少經典畫面，1985年《勁歌》第二季季選中，當季張國榮奪得三首金曲，更在演唱會唱出蔡楓華的《愛不是遊戲》！蔡楓華突然發言︰「一時嘅光輝未必係永恆嘅」，拍檔盧敏儀即時「執生」去廣告，事後蔡楓華遭受抨擊，主持一職亦被撤換。

1989十大勁歌金曲頒獎典禮中兩首得獎歌曲，梅艷芳的《夕陽之歌》、陳慧嫻的《千千闕歌》，兩首歌歌曲旋律一樣，同樣改編自近藤真彥的歌，作曲者為馬飼野康二，成為一時佳話。

1992年主持俞琤寄語奪得十大勁歌金曲金獎張學友，善用自己的影響力，要做好樂壇榜樣，無愧無悔地成為「歌神」接班人，從此張學友獲封為歌神。

2001年奪得「最受歡迎男歌星」的許志安，激動發表「廚房宣言」，令台下的Sammi鄭秀文爆喊。

2007年宣佈王菀之奪得「傑出表現獎」金獎時，發現貼錯得獎者名字，真正得獎者是張敬軒，張敬軒亦大方邀請好朋友王菀之一同分享獎項。

2008年曾志偉宣佈關菊英奪得「傑出表現獎」金獎時，聽錯名的關心妍突然走到台前「搶獎」，「雙關」對望場面尷尬。

2012年頒發最受歡迎男新人獎時，三甲位置被掉轉宣佈，更正排名胡鴻鈞才是金獎得主；馮允謙得銀獎；羅力威得銅獎。

慈善籌款節目《萬眾同心公益金》6月3號晚圓滿結束，多位嘉賓為慈善落力表演，好似 炎明熹 《中年好聲音》嘅 周吉佩 李佳 龍婷 羅啟豪 顏志恒 吳大強 等，加埋 陳美齡 譚嘉儀 曾比特 朱主愛 余宗遙 鍾柔美 ，而近年甚少公開演出嘅 張德蘭 呢日亦罕有登台為慈善出力，仲話非常留意《聲夢》同《好聲音》參賽者嘅演出呀。

呢日唔少參與歌手都把握機會同佢合照，當中梗係唔少得Gigi啦，而Gigi仲大爆平時極少同藝人合照嘅姑丈，呢日都公開要求集郵，Gigi仲笑返怕醜姑丈轉頭呀。

Yumi好快就會踏入中學最後一年，近日正埋首溫習考試嘅佢，就話已經開始對來年嘅DSE感到緊張，仲話會好好安排時間準備，不過大家亦唔使擔心，因為佢同Gigi都好快會有新歌推出喇。

早前往美國登台開騷嘅 許志安 呢日都係表演嘉賓之一，佢亦現場獻唱新歌，受訪時亦提到重訪一廠見到現場觀眾令自己憶起當年，又指即將會喺新加坡開騷，亦正籌備香港嘅表演，不過估計就要出年先可以成事喇。

《中年好聲音》嘅幾位成員呢晚由過去嘅觀眾變成表演者，佢哋都覺得非常開心，仲話感覺非常有趣呀。羅啟豪呢晚就再同媽咪同台演出，不過羅媽媽就話非常緊張喇。龍婷同李佳呢晚亦大展歌喉，不過去到後台就變成小Fans同各位前輩見面合照喇。

新時代歌手阿Mike亦都同朱主愛仲有余宗遙合作，仲爆不時狂Loop朱主愛嘅網絡神曲咁話呀。