隱門|葉嘯天一出場就發癲 網民封吳岱融「癲過鷲哥TVB第一黐線佬」

隱門|葉嘯天一出場就發癲 網民封吳岱融「癲過鷲哥TVB第一黐線佬」

由王心慰監製、翁善瑩編審的《隱門》,昨晚正式首播,一開始,葉嘯天(吳岱融飾)即壞事做盡,除打劫金舖、開槍殺警面不改容;面對親生女心月(黃智雯飾),葉嘯天亦數度下毒手,單是以暴力威逼小心月接賊贓已喪盡天良。岱融哥繼《巨輪II》鷲哥後再展奸角魅力,網民看得過癮,讚眼神殺晒兼封吳岱融「TVB第一黐線佬」:「真係癲過鷲哥」、「氣場真係勁」。為避開獸父,心月改姓埋名企圖開展新生活,卻因葉嘯天刑滿出獄人生再被擾亂,重遇但還未相認一刻已遭葉嘯天強行搶車兼拖落車,整晚劇情關鍵則落在很快認出獸父的心月,能否成功避開葉嘯天追尋……網民指《隱門》開劇節奏明快兼有追看性,並謂Mandy角色有新鮮感。

昨晚三十年前的槍械劫案場口,除了帶出葉嘯天與心月的衝突,亦帶出葉嘯天及心月與另一主角子喬(陳展鵬飾)的千絲萬縷。相關場口發生罕見意外,拍攝翻車戲期間,由於岱融哥與翻起車輛距離太近,只差不足一秒便有可能被飛起的車輛撞到。岱融哥事後受訪才笑言其實當時「好驚驚」:「架車就喺眼前飛過係驚架,不過盡做啦。」

再見‧枕邊人|尹詩沛溫柔角色慘遭家暴周志康狂躁發作恕火中燒

劇集《再見‧枕邊人》進入結局周,可疑人物更愈揭愈多,近日登場嘅晴天好友韓晨曦( 尹詩沛 飾)同丈夫阮兆民( 周志康 飾),都被列入嫌疑人物之列。星期二晚一集,劇情講述晴天( 黃智雯 飾)遭幪面人捉走期間被車撞倒送院,晴天疑似恢復所有記憶,逐步向楊萬森( 馬德鐘 飾)反擊。

晴天遇交通意見外後恢復記憶,晨曦出面要照顧好友

其中尹詩沛被周志康家暴嘅戲份成為焦點之一,場口講述晨曦欲做和事佬拉攏晴天同長勝( 羅天宇 飾),點知「控制狂老公」兆民就質疑晨曦同長勝有苟且關係,狂躁症大發踢翻茶几之餘,更對晨曦家暴,令晨曦喊到眼妝都溶埋,非常可憐,睇到觀眾肉緊大鬧周志康係衰老公。而詩沛喺劇中嘅少女文青風同飄逸造型打扮,都獲大讚靚女。

同老公表面恩愛嘅尹詩沛,私下成日被家暴,呢幕仲喊到連妝都溶埋

一向被視為實力派演員嘅尹詩沛(Nicole),過往出演嘅角色偏向聲大夾惡,個性豪邁,其實私下Nicole鍾意講笑,受訪時直認甚少遇上溫柔角色,所以演繹晨曦一角時都不停提醒自己要斯文啲,又形容角色係一個「好女仔嘅女仔」,亦係自己演藝生涯上一個突破。

平時角色多數粗聲粗氣嘅Nicole,今次就形容演出非常有女人味

佢話:「形象冇以前咁潑辣、咁惡,同埋晨曦係一個完全被愛情沖昏頭腦嘅人,對住老公( 周志康 飾)又好懦弱、好怕佢。但對好朋友,晨曦會願意出頭,就好似佢認定馬神(馬德鐘)對晴天唔好,就一出場已經對馬神句句有骨。」

講到夥拍周志康演夫妻,Nicole笑言終於遇到同自己年齡相約嘅老公:「以前拍開冇大廿年都一個double,試過演鍾志光情婦,同袁文傑、曹永廉、杜大偉又做過兩公婆,不過大家唔會有代溝,全部心境都好年輕,同埋本身同佢哋熟,私下好多偈傾。」

佢同周志康扮演夫妻仲話非常合拍,因為大家相識已久喇

而現實中周志康同太太育有一對女兒,今次喺劇中要出演「控制狂老公」兆民一角,表面係位好好先生,實際表裡不一,同真實個性完全相反。劇中兆民每次萌生「壞念頭」時,都會做出轉戒指小動作,阿康話:「呢個動作本身編劇已經設定咗,就係每次就嚟發脾氣,又或者打老婆之前,就會有呢個小動作,晨曦每次到都會好驚。」幸好阿康同詩沛相識多年,更大讚對方係實力演員,私下兩人亦係好朋友,合演夫妻特別有默契。

阿康今次扮演有控制狂嘅暴力衰老公,確係令人覺得非常可怕
《再見‧枕邊人》星期一至五晚 20:30 翡翠台

 相關推薦

熱門搜尋