城城家棟小齊搞邊科? 要喺架的士同《東張》做訪問?

城城家棟小齊搞邊科? 要喺架的士同《東張》做訪問?

郭富城、林家棟及任賢齊三名影帝級人馬,主演今個新春賀歲檔期的一套黑色喜劇,林家棟飾演的士司機,而一宗臨時進行的劫案,帶出了中年人的悲歌。

三名主角在的士上與《東張》主持做訪問,讓三位主角回顧電影拍攝時的感覺。

而首次「自毁形象」,以哨牙look上陣的郭富城表示,希望以一個全新的感覺,帶給觀眾一個全新的體驗。

城城親自寫揮春賀歲 小齊豪氣派利是傳歡樂

初二時郭富城嘅太太方媛上載拜年照,曝光咗郭家嘅半億大宅賀年佈置,相中隱約見到城城親自揮毫嘅墨寶。早前城城和任賢齊、林家棟接受主播王鎮泉訪問時都有分享過年嘅習慣,原來近年迷上寫書法嘅城城,過年都會親自寫揮春佈置家居,令屋企增添新春氣氛。

城城曾經以書法作品行善,籌得100萬善款,水準有返咁上下,城城透露仲有公司同事要求佢分享揮春添,佢話:「之前疫情時基本上只能留喺屋企,當時又開始寫書法,所以不如自己寫埋揮春,我有派俾公司,有朋友話好靚,要求送俾佢地,於是我就答應。」

至於小齊就話自己過年都不外乎派利是送祝福,被問會否好似之前演唱會慶功一樣,自掏百萬派俾大家,小齊即講笑話自己平時好刻薄員工,必要時先咁豪爽,仲邀請泉叔到美國搵佢逗利是。
         
另外城城表示過年亦好適合一家人去看賀歲電影,感受快樂氣氛,佢亦有分享自己當年入場看賀歲片嘅經驗:「講起賀歲片我即時諗起許冠文和許冠傑嘅喜劇,當年喺《半斤八両》中許冠文也有個假哨牙,估不到四十年後喺《臨時劫案》中出現梅藍天這個人物(城城嘅角色),但我不是為了致敬而設計造型,之前我都從未想過(有這樣嘅巧合)。」

 相關推薦

熱門搜尋